Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Kur famën e ndihmojnë gratë

Politiko 9 Shkurt 2018, 15:36

Emra si ato vështirë të mos bien në sy. Simpatike, elegante, të ëmbla! Kjo do të kthente kthim kokësh, komente ndoshta dhe ziliqare në bisedat e ish-shoqeve, një farë krenarie të çdo mashkulli që do të ulej me to në tavolinë, qoftë edhe për një çeshtje pune. Kaq! Pamja dhe profesioni që kanë, qoftë edhe mbiemri i dëgjuar, nuk do t`i bënte kurrë kaq të njohura sa janë sot. Askush nuk do të kujtohej t`u trokiste në derë për të mësuar sekrete të jetës së tyre familjare, askujt nuk do t`i binte ndërmend t`iu kërkonte foto nga dasma apo bashkëjetesa për t`i publikuar ato në faqet e ndonjë gazete.

Të gjitha këto kanë ndodhur pa shtuar asnjë grimë.

Arsyeja?

Shumë e thjeshtë, partnerët e tyre merren me politikë. Të pakten në kohën kur lidhjet respektive janë bërë publike, kandidatët për dhëndër ishin kokë e këmbë të angazhuar me politike apo aktivitete të afërta, që të mbajnë në qendër të vëmendjes dhe jo vetëm kaq, por gëzonin dhe status goxha të lakmuar, janë apo nuk janë më mbajtës të posteve të rëndësishme, nuk mund të zbresin nga pozicioni i njerëzve të njohur, ku mjafton të jesh ulur njëherë për ta pasur përgjithmonë dhe për ku ftesa bëhet në çift.

Sepse duke pasur në krah një mashkull aq të njohur dhe partneret e tyre do të bëheshin po aq figura mediatike. Meshkujt bëhen edhe më karizmatik me bukuroshet e zgjedhura, ndërsa ato bëhen më të njohura pa bërë diçka për ta arritur këtë. Rrugë më pak të mundimshme se kaq drejt njohjes nuk do të ketë ekzistuar.

Ato janë të bukura dhe tërheqëse por nuk fillojnë dhe mbarojnë aty. Sepse në jetë dinë të bëjnë më shumë. Por kjo gjë pak personave do t`u interesonte e nuk do t`i bënte kurrsesi të njohura. Është lidhja me një mashkull që i shndërroi ato në personazhe . Liri, Monika, Aurela, Linda, Ajola, Nora dhe shumë të tjerë kujtohen lehtësisht po të përmenden emrat e partnerëve: Sali, Ilir, Lulzim, Edi, Erjon dhe Blendi.

Këto janë gratë sharmante që u bënë të famshme falë burrave politikanë:

Liri Berisha (Gruaja e ish-kryeministrit Sali Berisha)

Liri Berisha është një nga ato zonjat që nuk është përfshirë kurrë në skandale mediatike dhe ka ruajtur profilin e saj që prej shfaqjes së parë në media. Është marrë gjithnjë me angazhimet e saja dhe gjithmonë përkrahësja me e madhe e bashkëshortit të saj Sali.

Monika Kryemadhi (Gruaja e Ilir Metës)

Megjithëse tani drejton LSI-në, njohja e Monikës me presidentin Meta ka ndodhur në politikë. Ngritja e menjëhershme e Metës në politikë ka ndihmuar dhe Monen të jetë më e njohur për publikun. Ecuria e saj në politikë ka ndodh gjatë viteve, sigurisht edhe me ndihmen e bashkëshortit të saj.

Aurela Basha ( Gruaja e kryetarit të PD-së, Lulzim Bashës)

Po ashtu dhe Aurela është një nga figurat që u bë e njohur falë bashkëshortit të saj, liderit të së djathtës, Bashës. Aurela nuk ekspozohet shumë në media por të gjithë e njohin falë Luzim Bashës.

Linda Rama (Gruaja e kryeministrit Edi Rama)

Linda ka ruajtur profilin e saj dhe nuk është përfshirë shumë politikisht me Ramën. Ajo u bë e njohur për publikun pas martesës saj me kryeministrin e vendit. Gjithashtu njihet dhe për stilin e saj të veçantë në veshje.

Ajola Xoxa (bashkëshortja e kryebashkiakut Veliaj)

Ajola është një nga vajzat që ka lidhje me artin. Po eksploron dhe në muzikë siç ka ndodhur me klipin e fundit të Miriam Camit. Është gjithnjë pranë Erion Veliaj dhe është bërë e famshme fal të të shoqit. Një femër me klas dhe fine, gjithmonë e pëlqyer nga audienca femërore për paraqitjen.

Nora Klosi (bashkëshortja e Blendi Klosit)

Edhe nëse nuk do ishte gruaja e Blendi Klosit, Nora domosdo do të njihej sepse merret me mediat. Por emri i të shoqit politikan e ka bërë atë të identifikohet si “Nora e Blendit”

Por nuk mund të themi që vetëm burrat politikanë kanë ndihmuar në famën e tyre. Gra të tilla siç kanë figurat më të njohura në politikën shqiptare kanë ndihmuar bashkëshortët të krijojnë një profil më “të butë” të tyre. Kur janë përkrah bashkëshorteve, asnjëri nga ata nuk sillet si në foltore apo në ndonjë nga studiot televizive.

Gra që ndihmojnë bashkëshortët e tyre të shfaqin anën e tyre më të mirë. Kjo është pra “kur famën e ndihmojnë gratë”.

Politiko.al