Presidenti i Francës Emmanuel Macron tregon se si do të ndihmojë Shqipërinë dhe Maqedoninë e Veriut që të kapin hapin e shteteve të tjera evropiane. Ai gjykon se kompanitë e mëdha duhet që të vijnë në Shqipëri e të investojnë.
“Le të përpiqemi të ndihmojmë këto vende, të investojmë, t’u themi kompanive tona që të investojnë në masë atje, të japin para për zhvillim, për kulturë, për arsim. Por thjesht hapja e një procesi burokratik është absurde”, tha Macron për “The Economist”.
Një nga propozimet kryesore të kreut të shtetit francez, është që pas mbylljes së një kapitulli shteti përkatës të futet në sistemin e BE-së pikërisht në atë fushë.
Ai tregon një detaj interesant gjatë debatit mes shteteve anëtare, për kohë që Shqipërisë dhe Maqedonisë së Veriut do t’i duhet që të bëhen pjesë e BE-së.
“Unë u përpoqa të jem konsistent, u thashë liderëve të tjerë ‘kemi një problem’. Ne nuk dimë si të veprojmë me 27 anëtarë, a mendoni se do të jemi më mirë me 30 ose 32? Dhe ata më thanë ‘nëse ne hapim negociatat, Shqipërisë dhe Maqedonisë do t’i duhen 15 vite të bëhet anëtare. Kjo nuk është e vërtetë as për qytetarët tanë, as për ato vende. Unë u thashë atyre të shikojnë se çfarë ndodhi me bashkimin bankar. Pas krizës së vitit 2008 na u deshën 20 vjet për të reformuar. Pra, edhe nëse hapim negociatat tani, ne nuk do të kemi sukses në reformimin e Unionit nëse vazhdojmë të punojmë me të njëjtën shpejtësi”, tha Macron.
Discussion about this post