Më në fund në shtëpi! Alvin Berisha mbërrin në Romë, bashkohet me babain dhe motrat

Përfundimisht larg bombave dhe kampeve të ISIS.

Vogëlushi Alvin Berisha ka mbërritur këtë mëngjes në tokën italiane, aty ku është bashkuar me babain, i cili nuk rreshti së kërkuari prej pesë vitesh dhe dy motrat.

11-vjeçari ka mbërritur nga Bejruti në aeroportin e Fiumicinos, pas një operacioni shpëtimi me ndërhyrjen e qeverisë italiane dhe Kryqit të Kuq Italian e Gjysmëhëna e Kuqe.

Pesë ditë më parë, ai u nxor nga kampi famëkeq Al-Hol në Siri, ku u dërgua nga e ëma që kur ishte 6 vjeç, e cila mbeti e vdekur gjatë bombardimeve si luftëtare e ISIS.