Meta sulmon sërish Dvoranin dhe akuzon ambasadorët si palë me Ramën

Presidenti Ilir Meta deklaroi se ai do ta bëjë shembull kreun KLD-së, Ardian Dvorani dhe kritikoi disa diplomatë, të cilët janë bërë palë me kryeministrin Edi Rama.

“Nuk do të ngelet asnjë fëmijë pa e kuptuar vjedhjen e Dvoranit. Ai do të bëhet shembull, të mos guxojë të tallet më me Reformën në Drejtësi. Këtu dëmi është i madh. Ai është përgjegjës që u hap ky debat. Unë si president i Republikës nuk bëj shaka.”, tha ai ndërsa nesër do të shkojë të bëjë denoncimin.

Kreu i shtetit akuzoi se disa diplomatë kontrollohen nga kryeministri.

“Disa diplomatë janë bërë si leckat e Edi Ramës. Jo vetëm janë bërë palë, por janë i vetmi justifikim i Ramës për dështimet e tij. Non-grata per Borchard për t’i treguar kufirin këtyre diplomatëve që vënë në dyshim dekretet e presidentit. Presidenca është simbol i sovranitetit”, tha ai në emisionin “Open” në Top Channel.

Ai paralajmëroi se nuk bën shaka në këtë nismë që ka nisur.

“Do jem i qartë për çdo vagabond diplomat që justifikon shkeljet e Kushtetutës dhe të ligjit. Askush nuk mund ta vërë në diskutim autoritetin e presidentit të Republikës. Tek Gjykata Kushtetuese unë nuk bëj shaka.