Negociatori i BREXIT me koronavirus: Jam mirë, do t`ia dalim së bashku

Ndërmjetësi mes BE dhe Anglisë për Brexit, Michel Barnier është infektuar me koronavirus. Lajmin e dha vetë Barnier në një mesazh në Twitter.

“Dua t`ju informoj se kam rezultuar pozitv me COVID-19. Jam mirë, morali ëshë i lartë. Unë natyrisht ndjek të gjitha udhëzimet, ashtu si ekipi im. Mesazhi im është për të gjithë ata që janë prekur ose aktualisht janë të izoluar: Ne do t`ia dalim së bashku”, shkruan Barnier.

Barnier është një nga shumë zyrtarët e lartë në botë, që është prekur nga koronavirusi. Mediat kanë raportuar se dhe Presidenti Brazilit gjithashtu është i prekur.

Nuk kanë munguar as rastet nga bota e kulturës dhe sportit, që gjithashtu janë prekur nga virusi i rrezikshëm. Ndërkohë shumë zyrtarë të tjerë ndërkombëtarë kanë kryer testet për koronavirus.