Flash News

Protestuesit u tërhoqën zvarrë, Vengu qan hallin e deputeteve: Ç'taksirat kishin të sulmoheshin?

Policia korrigjon bilancin e aksidentit tragjik: Viktimë mbeti vetëm shoferi, fëmija u rikthye në jetë në spital

Shoferi dyshohet se pësoi infarkt, 15 pasagjerë të plagosur nga aksidenti fatal, një fëmijë në gjendje të rëndë

Aksidenti fatal në autostradë, minibusi ishte i linjës Berat–Tiranë, dyshohet se humbi kontrollin

Aksidenti fatal në autostradën Durrës-Tiranë, mbi 10 pasagjerë të plagosur dhe 2 viktima

OPINEWS

Paqja që vret

Politiko 7 Dhjetor 2025, 19:24

Paqja që vret

Nga Luçiano Boçi
Për t’ia hedhur botës Rama termin amnisti fiskale e zëvendësoi me paqje fiskale.
Nuk është çështje gjuhësore, por qëndrimi të institucioneve finaciare e politike të BE.
Në thelbin e tërësinë e vet paqja dhe amnistia e kundërshtuar, janë e njëjta gjë e shprehur ndryshe.
Të dyja vrasin njësoj dhe me të njejtën mënyrë e hapësirë.
Së pari,
vret drejtësinë dhe konkurencën e lirë
Me shpalljen e saj tatimpaguesit korrektë shpallen zyrtarisht budallenj.
Ndërsa mashturesit e abuzuesit, “kreativët” që nuk kanë paguar taksat marrin shpërblim.
Thënë më pastër, biznesi i ndershëm del nga tregu, sepse s’mund të konkurrojë me ata që kanë operuar pa kosto tatimore.
Së dyti, vret besimin. Mesazhi i saj është i rrezikshëm.
“Mos paguani sot, sepse do t’ju falim nesër.”
Së treti, pastron para dhe nxit ekonominë informale. Shqyen derën për paratë e drogës dhe të korrupsionit ekzekutiv.
Favorizon të fortët që duan para të pastra duke shtuar pastrimin.
Dëmton reputacionin ndërkombëtar dhe rrit koston e financimit të ekonomisë.
Së katërti, vret institucionet financiare.
Tatimet duken të pavlefshme, rregullat humbin kuptimin e shteti shihet si i padrejtë dhe i kapur.
Ka rënie të disiplinës fiskale dhe rritet evazioni.
Së pesti, vret kreditimin dhe formalizimin.
Do kemi më pak kredi, më pak investime, më pak rritje.
Së gjashti, vret marrëdhëniet me institucionet ndërkombëtare
FMN dhe BE kanë alergji të rëndë ndaj amnistive fiskale, për një arsye të thjeshtë sepse hkatërrojnë disiplinën buxhetore, ulin transparencën, shtrembërojnë statistikat fiskale.
Së shtati, krijon varësi politike.
Amnistia u përdor e po përdoret si instrument elektoral, si mjet për t’i bërë qejfin grupeve të caktuara dhe bandave të krimit të organizuar.
Qartazi paqja fiskale nuk sjell zhvillim, por ul të ardhurat, godet konkurrencën, rrit informalitetin, dëmton imazhin e vendit dhe përforcon korrupsionin.
Është amnisti për të padrejtët dhe dënim për të ndershmit.

Të fundit