Përfaqësuesi i posaçëm i Shteteve të Bashkuara për Ballkanin Perëndimor, Mathhew Palmer, tha se SHBA-ka e ka rikthyer sërish vëmendjen në Ballkanin Perëndimor dhe emërimi i tij në këtë detyrë, e tregon këtë.
Komentet e amerikanit u bënë sot në Podgoricë, në takim që ai pati me kryeministrin e Malit të Zi, Dushko Markoviç.
Palmer verlësoi multietnicitetin e Malit të Zi në rajon dhe shtoi se “nuk është rastësi që Mali i Zi është shteti i parë që viziton pas marrjes së detyrës”.
Palmer u emërua përfaqësues për Ballkanin nga Departamenti amerikan i Shtetit më 30 gusht.
Ndërsa Markoviç u shpreh se vendimi për emërimin e Palmer-it paraqet mundësi reale për përshpejtimin e realizimit të qëllimeve strategjike dhe se kontribuon në stabilitetin e gjithë rajonit.
Kryeminsitri malazez e cilësoi Palmer-in si “njohës të shkëlqyer të Ballkanit”.
Palmer takoi edhe presidentin e Malit të Zi, Milo Gjukanoviç, ku foli për bashkëpunimet e mëtejshme.
Discussion about this post