Deputetja e PDK-së, Flora Brovina ka bërë publike të tjera fakte nga gjenocidi serb i kryer në Kosovë. Pas asaj të përdhunimit, në seancën e fundit të Kuvendit të Kosovës, ajo ka publikuar foton e një 7-vjeçareje të dhunuar barbarisht nga serbët, e cila më pas ka ndërruar dhe jetë.
“Sigurisht të gjithë jemi pak të emocionuar. Argumenti më i mirë është rezoluta e nxjerrur. Pika që nuk dua ta anashkalojë është që gjenocidi nuk ka ndodhur për herë të parë në luftën e fundit. Ne duhet të kujtojmë gjenocidin në regjionin e Nishit dhe Vranjës, ku janë masakruar dhe dhunuar”, tha ajo.
“Ky fëmijë ka vdekur gjatë dhunimit i ka pasur vetëm 7 vjetë, le të traumatizohet kush të dojë, por kjo është e vërteta”, tha Brovina teksa publikoi edhe fotografinë nga foltorja e Kuvendit.
Publikimi i një fotografie të një gruaje të përdhunuar nga serbët në sy të familjarëve, u shpërnda masivisht në media duke ngjallur reagime të shumta.
Discussion about this post