Flash News

Votat e diasporës, mbyllet procesi i numërimit për subjektet politike në 12 qarqe

Tema shpik shkrimin për “reagimin e figurave të PD” kundër Berisha & LaCivita. Autorja nuk ekziston dhe teksti është prodhim i ChatGPT (i cili po vetë e quan të sajuar)

U përplas me motor nga një 16-vjeçar, i moshuari përfundon në spitalin e Shkodrës

Këmbimi valutor, 18 maj 2025

Plagosje me thikë në Durrës, autori në arrati

KRYESORE

Përmbytjet/ Përkeqësohet situata në Shkodër, uji deri në prag të derës

Politiko 8 Mars 2018, 08:47
Përmbytjet/ Përkeqësohet situata në Shkodër, uji deri

Përkeqësohet situata e përmbytjeve në rrethin e Shkodrës, si pasojë  reshjeve të rëna me intensitet gjatë orëve të fundit. Më problematike shfaqet situata në fshatin Obot, njësia administrative Ana e Malit.

Deri tani raportohet se rreth 1100 ha tokë bujqësore është nën pushtetin e ujit, ndërsa banorët janë izoluar prej rrugëve të izoluara.

Sipas banorëve, niveli i ujit është rritur gjatë natës me rreth 20 cm, duke mbërritur kështu deri në oborret e banesave.

Në këto kushte, banorët japin alarmin se në varësi edhe të shkarkimeve të HEC-eve, banesat e tyre rrezikojnë të përmbyten, edhe prej faktit se Oboti është një zonë e ulët.

Situatë shqetësuese paraqitet edhe në Dajç, ku rreth 100 ha tokë bujqësore është nën ujë.  Ndërkohë, forcat e ushtrisë vazhdojnë të jenë prezentë për tu ardhur në ndihmë banorëve, sidomos për transportimin e tyre në raste urgjencash.

Ministria e Mbrojtjes ka bërë një pasqyrim të situatës së përmbytjeve në zonat më problematike si në qarkun e Shkodrës, Dibrës, Durrësit, Kukësit.

Sipas MM bashkia Vau-Dejës në qarkun e Shkodrës janë përmbytur 300 ha tokë dhe 10 ha jonxhë në fshatin Fshati i Ri, si dhe është dëmtuar Ura e Gjolulit. Në njësinë Dajç janë përmbytur 430 ha tokë, në fshatin Shirq 110 ha tokë nga të cilat 40 ha janë të mbjella foragjerë.

Aksi rrugor rural që lidh fshatin Darragjat me fshatin Shirq është i bllokuar nga rritja e nivelit të ujit. Është i kalueshëm vetëm me mjete të larta, ndërsa prurjet e lumit Drin janë rritur shumë.

Në fshatin Obot, Forcat e Armatosura nga Reparti Ushtarak Vau-Dejës kanë shkuar për ndihmë për transportimin e komunitetit me 1 mjet transporti dhe 2 varka.

Në aksin rrugor rural për në malin e Shoshit lëvizja e mjeteve bëhet me zinxhirë për shkak të reshjeve të dëborës.

Bashkia Fushë Arrëz

Fshati Apripë Guri është i bllokuar dhe ditën e sotme është dërguar 1 varkë nga FNSH Shkodër për ti ardhur në ndihmë kësaj bashkie.

Bashkia Malësi e Madhe

Në fshatin Gropat e Selcës, Njësia Administrative Kelmend, është dëmtuar një segment rrugor me gjatësi rreth 1000 m, si pasojë e rrëshqitjes së gurëve dhe dherave.

Në fshatin Maklaj, Njësia Administrative Shkrel, janë dëmtuar këmbët e një ure si dhe një segment rrugor me një gjatësi rreth 150m.

Në fshatin Palvar dhe Culaj, Njësia Administrative Qendër, nga përmbytja janë dëmtuar 4-5 shtëpi.

Qarku Dibër

Akset rrugore nacionale dhe rurale në të gjithë qarkun janë të qarkullueshme pa probleme.

Aksi rrugor nacional Ura e Qytetit-Zerqan, është i dëmtuar nga rrëshqitja në një segment prej 20 m. Firma kontraktore ka ndërhyrë duke e kthyer këtë aks rrugor të kalueshëm.

Aksi rrugor nacional Trebisht-Doganë, është i bllokuar në një segment për shkak të rrëshqitjes së skarpateve të rrugës.Firma kontraktore po ndërhynë duke e kthyer këtë segment rrugor të kalueshëm.

Bashkia Bulqizë

Aksi rrugor rural Zogjaj-Bllace është i kalueshëm, pasi kanë ndërhyrë forcat e bashkisë duke e kthyer këtë aks rrugor të kalueshëm.

Aksi rrugor rural që lidhen fshatrat Ternovë e Madhe dhe Ternovë e Vogël, me Njësinë Administrative Fushë Bulqizë është i bllokuar nga rrëshqitja e gurëve dhe dherave.

Bashkia Krujë

Në fshatint Murqin, Mallkuç, Njësia Administrative Bubq, bashkia Krujë, ka dalë nga shtrati lumi Ishëm, duke përmbytur 50 ha tokë. Prezenca e ujit nuk ka arritur në qendrat e banuara dhe ka pësuar rënie. Situata vazhdon të monitorohet nga forcat e bashkisë Krujë.

Qarku Kukës

Akset rrugore nacionale që përshkojnë Qarkun e Kukësit vazhdojnë të jenë nën efektin e rënies së gurëve dhe dherave. Firmat Kontraktore janë në gadishmëri për ndërhyrje në problematikat e shfaqura.

Akset rrugore rurale janë nën efektin e rënies së gurëve dhe dherave deri në rrëshqitje të skarpatave. Vazhdon të jetë e bllokuar Njësia Administrative Arrën, fshati Lojme, bashkia Kukës dhe 2 fshatra të Njësisë Administrative Lekbibaj, bashkia Tropojë.

Qarku Gjirokastër

Aksi rrugor rural i Njësisë Administrative Frashër që lidh fshatrat Miçan, Vërçisht dhe Ogrenj, bashkia Përmet, është  i bllokuar për shkak të rrëshqitjes së masivit shkëmbor.

Në fshatin Tërbuq, Njësia Administrative Odrie, bashkia Gjirokastër, rreth 100m mbi banesat e fshatit ka pasur rrëshqitje gurësh dhe dherash. Me kërkesë të Prefektit të Gjirokastrës kërkohen specialistë nga Shërbimi Gjeologjik Shqiptar për të bërë studimin e zonës. QKOEC menjëherë ka dërguar shkresë Shërbimit Gjeologjik Shqiptar dhe ditën e sotme pritet që specialistët të shkojnë në vendngjarje për të bërë studimin e zonës.

Qarku Korçë

Në fshatin Kalivaç, Njësia Administrative Trebinjë, bashkia Pogradec, ka pasur rrëshqitje masive të tokës që rrezikon varrezat e fshatit.

Në fshatin Vërri, Njësia Administrative Proptisht, bashkia Pogradec, ka pasur rrëshqitje masive të tokës, e cila rrezikon një pikë karburanti në aksin rrugor rural Golik-Proptisht.

Bashkia Pogradec ka ngritur grupe me specialistë, të cilët kanë shkuar në vendngjarje dhe kanë verifikuar situatën e krijuar nga këto dy rrëshqitje masive të tokës.

 

 

  

 

 

Të fundit