Policia greke ka mundur të sekuestrojë një sasi prej 121 kg lënde narkotike të llojit marijuanë. Droga që vinte nga Shqipëria u kapet në kufirin greko-shqiptar të Igumenicës.
Veç drogës, policia ka mundur të arrestojë edhe një shqiptar 37-vjeçar që po trafikonte lëndën narkotike, ndërsa një tjetër që e shoqëronte u shpall në kërkim.
Mësohet se policia greke kishte informacion se një sasi droge do të trafikohej nga kufiri, ndërsa u bëri pritë trafikantëve, duke arrestuar edhe një 50-vjeçar grek, i cili do të merrte në dorëzim drogën.
