Çfarë thotë Sylvester Stallone për lajmet e ndarjes nga bashkëshortja

Sylvester Stallone i ka mohuar pretendimet se martesa e tij 25-vjeçare përfundoi për shkak të qenit të tij.

Të mërkurën, u raportua se gruaja e Stallone-s, Jennifer Flavin, bëri kërkesë për divorc sepse ata u grindën për një Rottweiler të ri të quajtur Dwight. Zënka për qenin – pasi Flavin nuk donte një kafshë tjetër, ndërsa Stallone e donte qenin për “mbrojtje” – supozohet se çoi në një debat jashtëzakonisht të nxehtë që nxori edhe çështje të tjera.

Por Stallone i ka mohuar këto lajme.

"Ne nuk e përfunduam lidhjen për një zënkë kaq të parëndësishme," tha aktori 76-vjeçar për TMZ, megjithëse ai pranoi se çifti nuk ishte dakord se "si të kujdeseshin për qenin", duke qenë se ata shpesh udhëtojnë dhe jetojnë në dy shtëpi.

Stallone shpjegoi se ndarja erdhi pasi çifti thjesht po shkonte "në drejtime të ndryshme".

“Kam respektin më të lartë për Jennifer-in”, shtoi ai. “Unë gjithmonë do ta dua atë. Ajo është një grua e mahnitshme. Ajo është njeriu më i mirë që kam takuar ndonjëherë.”

Ai gjithashtu ka folur për mbulimin e tatuazhit të Flavin me një portret të Dwight.

Aktori shpjegoi se ai donte të "freskonte" tatuazhin e Flavin, por "u ngatërrua dhe qeni ishte thjesht një rregullim pa qëllim të keq". Ai shtoi se ende ka një tatuazh të gruas së tij në shpinë.

Çifti filloi të takohej në vitin 1988, kur Flavin ishte një modele 19-vjeçare dhe Stallone ishte 42 vjeç dhe u divorcuan dy herë. Ata u martuan në vitin 1997 dhe kanë bashkë tre vajza, Sophia, Sistine dhe Scarlet.