Vipat shqiptarë që u bënë prindër gjatë vitit 2022

Viti 2022 ka qenë i bekuar për shumë nga VIP-at shqiptarë. Personazhe të ndryshëm nga fusha të ndryshme të televizionit, janë bërë prindër këtë vit (disa për herë të parë, të dytë ose të tretë)

Më poshtë keni disa prej tyre:

Në janar aktori Florjan Binaj u bë baba për herë të tretë. Partnerja e tij solli në jetë një vajzë, të cilës i vendosën emrin Vjosa.

Këngëtarja Genta Ismajli dhe partneri i saj turk Usta u bënë prindër për herë të parë me datë 21 janar. Genta solli në jetë një djalë dhe një vajzë, të cilëve iu vendosën emrat Icon dhe Ivy Blue.

Reperi i njohur Mc Kresha u bë baba për herë të dytë me datë 24 shkurt. Bashkëshortja e tij Erzina solli në jetë një djalë, Dinin.

Këngëtarja Zaimina Vasjari është bërë nënë për herë të dytë në mars. Ajo solli në jetë një djalë të cilit i vendosën emrin Kamar.

Taulant Xhaka u bë baba për herë të dytë në korrik. Futbollisti dhe bashkëshortja e tij u bekuan me një vajzë, së cilës i vendosën emrin e veçantë Maleya.

Moderatorja Ilda Bejleri u bë nënë për herë të parë në gusht. Ajo lindi një vajzë të cilën e quajti Siena. Moderatorja e kishte mbajtur të fshehtë shtatzëninë.

Dojna Mema dhe Vlashent Sata u bërë prindër për herë të parë në gusht. Moderatorja solli në jetë një djalë të cilit i vendosën një emër mjaft të veçantë, Nolan Sol.

Me datë 1 shtator Arbana Osmani u bë nënë për herë të tretë. Moderatorja solli në jetë një vajzë, të cilës ajo dhe Eduarti i vendosën emrin Zoi.

Në fund të shtatorit,  Sara Hoxha dhe Ledion Liço u bënë prindër për herë të tretë. Sara lindi një vajzë pas dy djemve, London dhe Roman. Vajza quhet Ruya.

Eni Koçi dhe Genc Prelvukaj u bënë prindër të një vajze në tetor. Dyshja i vendosën emrin e bukur Adea.

Einxhel dhe Dagz janë bërë prindër për herë të parë me datë 13 bhjetor. Einxhel ka sjellë në jetë një djalë, emri i të cilit është Trev.