Posta e mëngjesit/ Me 2 rreshta: Çfarë pati rëndësi dje në botë

Mirëmëngjes!

Politiko.al mbështetur në raporte të gazetave amerikane, ju sjell një blic lajmesh nga bota në ‘Posta e mëngjesit’. Për të marrë ‘Postën’ çdo mëngjes me email na shkruani në [email protected]

■ Shtetet e Bashkuara parashikuan që pandemia do t’i kushtonte ekonomisë së tyre 7.9 trilion dollarë gjatë dekadës së ardhshme.

■ Spanja raportoi ditën e saj të parë që nga muaji mars pa vdekje nga koronavirusi.

■ Zyrtarët e shtetit të New York-ut kanë ngritur shqetësimin se protestat mbi vrasjen e George Floyd mund të shkaktonin një valë të dytë infeksionesh atje.

■ Një grua britanike që u dënua për vrasjen e burrit të saj pas dekadash abuzimi emocional, ka të drejtë të trashëgojë pasurinë e familjes, vendosi një gjykatës.

■ Kryeministri Benjamin Netanyahu papritmas po përballet me rezistencë nga kolonët në planin e tij për të aneksuar pjesën më të madhe të Bregut Perëndimor. Opozita, e shoqëruar me sinjale të përziera nga administrata Trump, po shtron pyetje nëse aneksimi do të ndodhë.

■ Moska rihapi parqet, qendrat tregtare, koncensionarët e makinave dhe shumë biznese të tjera të hënën pas një mbylljeje nëntë javore. Kryeqyteti numëron pothuajse gjysmën e rasteve me Covid-19 të raportuara në Rusi, 414.878 deri të hënën.

■ Presidenti Putin caktoi 1 korrikun si datën e një referendumi mbi ndryshimet kushtetuese që do ta lejonte atë të qëndronte në detyrë deri në vitin 2036. Paradat e këtij muaji për të përkujtuar humbjen e Gjermanisë naziste nuk janë anuluar, pavarësisht virusit.

■ Për  herë të parë, autoritetet e Hong Kongut kanë ndaluar vigjiljen vjetore të qytetit për të kujtuar ata që u vranë në protestën për demokraci në Sheshin Tiananmen në vitin 1989.

THELLE

Rritet zemërimi global për vrasjen e George Floyd

Vdekja e një amerikani tjetër të zi në duart e policisë po ndeshet me protesta masive kundër brutalitetit të policisë dhe racizmit, jo vetëm në Shtetet e Bashkuara, por edhe në vende të tjera.

Demonstruesit në Berlin, Londër dhe Vancouver dolën në rrugë për të protestuar për vdekjen e George Floyd në paraburgim policor javën e kaluar në Minneapolis. Aktivistët në Kili ofruan këshilla për mbrojtjen nga abuzimi i policisë. Në Kinë dhe Iran, qeveritë shfrytëzuan mundësinë për të akuzuar Shtetet e Bashkuara për hipokrizi mbi të drejtat e njeriut.

E re: Një autopsi private e porositur nga familja e Floyd konkludoi se vdekja e tij ishte vrasje, e sjellë nga shtrëngimi i qafës dhe shpinës nga oficerët e policisë. Një autopsi e mëparshme nga ekzaminuesi mjeko-ligjor i qarkut nuk e përmendte asfiksinë traumatike ose mbytjen si shkak të vdekjes.

Deklarta zyrtare: Presidenti Trump i quajti plaçkitjen dhe dhunën në protestat amerikane “akte të terrorit të brendshëm” dhe kërcënoi me ndërhyrje ushtarake. Disa njerëz janë vrarë ose plagosur nga të shtënat e lidhura me trazirat në mbarë vendin. Policia përdori gaz lotsjellës për të mbajtur protestuesit larg, në mënyrë që Trump të mund të vizitonte një kishë afër Shtëpisë së Bardhë, ku ai pozoi për fotografi me një Bibël në dorë.