Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

KRYESORE

“Prindërit mendonin se nuk ia dola gjatë eskodit për në Itali”, Alban Skënderaj përlotet në emision

Politiko 15 Prill 2018, 10:38

Natën e mbrëmshme në “Dua të të bëj të lumtur” i ftuar ishte dhe Alban Skënderaj i cili surprizoi një nga fanset e tij më të zjarrta. Dhe pastaj ishte vetë kantautori i cili u surprizua nga interpretimi i ndjerë i artistit Çun Lajçi.

Lajçi interpretoi një poezi të shkruar nga babai i Alban Skënderaj në vitin 1997. Ishte ky viti kur Albani ishte nisur për Itali dhe familja e tij nuk kishte snjë lajm për të për më shumë se një muaj.

“Unë jam natyrë që emocionoj dhe emocionohem shpejt. Fatkeqësisht jam në luftë të vazhdueshme me emocionet që të mos më rrëmbejnë. Më ktheve pas në kohë dhe më rrëmbeve me interpretimin tënd. Këtë poezi e ka shkruar babai im kur unë u nisa për në Itali dhe kisha më shumë se një muaj pa folur me ata”, tha mbrëmë Skënderaj.

Nga ana tjetër, Lajçi i uroi këngëtarit që atë që ka përjetuar i ati i tij të mos e përjetonte kurrë vetë: “Shpresoj që ti të bësh çmos që fëmija yt të mos lëvizë nga vendi. Kemi bredhur në shumë vende, por nëse ne jemi ata që e duam Shqipërinë nuk mjafton vetëm fjala. Mjafton bima dhe këto lule që ta zbukurojnë dhe të kemi vërtet një Shqipëri që del nga ato këngë dhe poezi që kemi”.

Poezia që ka shkruar babai i Albanit për të birin:

Tri javë pa sy,

Tri javë pa fjalë,

Unë dhe ime shoqe,

Dy të vdekur, gjallë.

Buzët…kapak burgu

Sytë, hije muzgu.

Kthejm’ kryet, shikojm’ nga deti,

Lëkundje, tërmeti

I kthejmë nga qielli, asnjë rreze dielli

Si statuja, ngrirë,

Me zemër të mpirë,

Shikojmë në errësirë.

Deti nxjerr të vdekur,

Ne presim të mekur,

Ne presim një lajm, një lajm për tim bir

Rrëmbyer nga ikja që s’pati mëshirë

Lutemi Zotit, qoftë lajm i mirë!

Të fundit