Associated Press: Rënia e qeverisë së Bullgarisë mund të pengojë zgjerimin e BE-së

Ligjvënësit në Bullgari miratuan të mërkurën një mocion mosbesimi kundër qeverisë duke penguar më tej përpjekjet e vendeve të Ballkanit për t'u bashkuar me Bashkimin Evropian.

Partia opozitare e qendrës së djathtë GERB paraqiti mocionin javën e kaluar, duke akuzuar qeverinë për keqpërdorim të financave publike dhe politikës ekonomike dhe për dështimin për të trajtuar inflacionin në rritje. Votimi i mosbesimit kaloi 123 vota pro dhe 116 kundwr, asnjë abstenim.

Vetëm pas votimit, kryeministri Kiril Petkov u zotua të vazhdojë të luftojë për reforma - premtimi i tij kryesor i fushatës - në shtetin anëtar më të varfër të BE-së.

"Ne premtojmë se ... një ditë do të kemi Bullgarinë pa mafie, një vend të suksesshëm evropian të begatë," tha ai.

Më vonë ai iu bashkua disa mijëra mbështetësve të qeverisë që u mblodhën pranë ndërtesës së parlamentit në kryeqytetin Sofje.

Petkov, një biznesmen i shkolluar në Harvard, formoi një qeveri koalicioni me katër parti në dhjetor. Ai ka kërkuar një zgjidhje për një mosmarrëveshje dypalëshe etno-kulturore që ka bllokuar përpjekjet e Maqedonisë së Veriut dhe Shqipërisë për t'u bashkuar me BE. Bullgaria është anëtare e BE-së dhe NATO-s.
Pushtimi rus i Ukrainës më 24 shkurt e ka shtyrë BE-në të shqyrtojë përshpejtimin e përpjekjeve të anëtarësimit në Ballkanin Perëndimor për të parandaluar Moskën të zgjerojë ndikimin e saj në rajon.

Presidenti bullgar Rumen Radev do të zhvillojë konsultime me partitë parlamentare që mund të përpiqen të formojnë një qeveri të re të shumicës. Nëse kjo dështon, ai mund të instalojë një kabinet të përkohshëm përpara se të thërrasë zgjedhjet parlamentare, në atë që do të ishte votimi i katërt i tillë i vendit në pak më shumë se një vit.

Bullgaria ka bllokuar ofertën e Maqedonisë së Veriut fqinje për t'u anëtarësuar në BE, dhe bashkë me të në mënyrë indirekte, edhe atë të Shqipërisë. Qeveria bullgare ka këmbëngulur se Maqedonia e Veriut e njeh zyrtarisht se gjuha e saj ka rrënjë bullgare, pranon në kushtetutën e saj një pakicë bullgare dhe anulon "gjuhën e urrejtjes" kundër Bullgarisë. Maqedonia e Veriut ka thënë se identiteti dhe gjuha e saj nuk janë të hapura për diskutim.

Maqedonia e Veriut ka mbajtur statusin e kandidatit në BE për 17 vjet dhe ka marrë një dritë jeshile në vitin 2020 për të filluar bisedimet e pranimit, megjithëse nuk ishte caktuar një datë për fillimin e negociatave.

Komisioni Evropian ka bërë premtime të përsëritura se e ardhmja e gjashtë vendeve në Ballkanin Perëndimor është brenda BE-së. Së bashku me Maqedoninë e Veriut, Shqipëria, Bosnja, Kosova, Mali i Zi dhe Serbia kanë parë vonesa mes ndarjeve midis vendeve anëtare dhe disa çështjeve dypalëshe.

Franca, e cila aktualisht mban presidencën e rradhës të BE-së, tha se po bën përpjekjet e fundit për të hapur rrugën përpara një samiti të Ballkanit Perëndimor të planifikuar për të enjten dhe të premten.

Marrëveshja franceze, e cila nuk është bërë zyrtarisht e disponueshme për publikun, u dërgua në të dy vendet javën e kaluar.

Anëtari i NATO-s, Bullgaria, e cila ka marrëdhënie historikisht të ngushta me Moskën, ka mbështetur fuqishëm sanksionet e perëndimit kundër Rusisë që kur ajo filloi pushtimin e saj më 24 shkurt.  Por vëzhguesit besojnë se paqëndrueshmëria politike do të favorizojë partitë pro-ruse të Bullgarisë/ Përkthyer nga Associated Press