Në Greqi ka shkuar në 42 numri i viktimave që kanë humbur jetën nga Covid-19.
Sipas newsit.gr, pacientët e fundit që kanë humbur jetën sot janë një 70-vjeçar nga Alexandroupolis dhe një 60 vjeçar në Selanik.
Në total numri i viktimave në 24 orët e fundit shkon në 9.
Nga të dhënat rezulton se mosha mesatare e pacientëve në Greqi që kanë humbur jetën si pasojë e virusit është 71 vjeç.
Zëdhënësi i Ministrisë greke të Shëndetësisë konfirmoi se në vend janë konfirmuar deri më tani 1156 persona të infektuar me koronavirus COVID-19. Shumica e tyre ndodhen në Athinë.
Autoritetet shëndetësore greke thonë se 5% e pacientëve të infektuar e kanë të nevojshme që të shtrohen në spital.
Financuar Nga Bashkimi Europian
