Gazetarja sportive, Ilda Bejleri ka reaguar sërish ndaj opinionistit Mustafa Nano, kur ky i fundit e kritikoi për veshjen sipas tij ekstravagante në ekran.
Përmes një postimi në instagram, Bejleri e cilëson Nanon si një person që bën gjithçka që të marrë vëmendjen, madje edhe duke shkelur mbi identitetin e të tjerëve. Gazetarja vijon me të tjera deklarata ironike, si më poshtë:
“Ndjesë, që nuk kam reaguar më parë por kam qenë e impenjuar në një projekt shumë domethënës për shqiptarët! “Rikthimi i Dallëndysheve”, që kishte për qëllim rikthimin e talenteve që na bëjnë krenarë jashtë Shqipërisë dhe nuk doja të njollosja këtë super event, me “llumin” e opinionistëve që na rrethojnë. Ndoshta kjo është një nga arsyet që “dallëndyshet” kanë vendosur të shtegtojnë larg.. sepse vlerat në këtë vend nuk përfillen dhe të eturit për vëmendje bëjnë gjithçka për të dalë në sipërfaqe, madje duke shkelur dhe mbi identitetin e kujtdo, për më tepër duke dalë dhe kundër një ish-studenteje që është diplomuar për gazetari! Mendoj që “policin” e minifundit dhe dekoltesë ta dërgojmë dhe në Itali:) se mbase aty gjen paqe..tani që po qëndroj në dhomën time pyes veten: Imagjino të kishte gjoks vetë ky polici? Çfarë do ishte vallë🤨 dhe çfarë do bënte për 5 min “famë” ps. Emisionin ja mbani mend besoj! Në çfarë ore dhe ku transmetohet..:))”.
Pak ditë më parë, Mustafa Nano tha në emisionin e tij “Provokacja” se gazetaret sportive Ilda Bejleri dhe Bora Zemani nuk janë aty për striptizëm, por për emision.
Që nga ajo kohë, replikat mes tyre kanë vijuar, madje duke kaluar edhe në fyerje ndaj njëri-tjetrit.
Financuar Nga Bashkimi Europian
