Flash News

Kërcet arma në Durrës, plagoset një 30-vjeçar

Aksident në Rrugën e Arbrit, makina del nga rruga, dy të plagosur

Arrestimet te “Bankers Petrolium”, Prokuroria jep detaje: Deklaroi 11.7 mld lekë humbje, shteti nuk përfitoi asnjë të ardhur për 20 vite

Vdesin tragjikisht në aksident ylli i Liverpool, Diogo Jota dhe vëllai i tij

Posta e mëngjesit/ Me 2 rreshta: Çfarë pati rëndësi dje në Shqipëri

KRYESORE

Soreca komunikon online me shqiptarët: 50 milionë eurot për COVID-19 s`janë kredi. 4 kushte për negociatat

Politiko 26 Mars 2020, 17:02

Soreca komunikon online me shqiptarët: 50 milionë eurot për

Ambasadori i Bashkimit Europian në Shqipëri Luigi Soreca zhvilloi një bashkëbisedim online me qytetarët shqiptarë. Soreca i`u përgjigj pyetjeve të qytetarëve, të cilat ishin kryesisht për koronavirusin dhe çeljen e negociatave. Ambasdori i BE-së sqaroi se fondi prej 50 milionë euro, që Bashkimi Europian do t`i japë Shqipërisë për koronavirusin, nuk është kredi. Ndërkohë ai tha se “fondet e tërmetit nuk do të preken”.

“4 milionë euro janë për blerjen e ventilatorëve apo për mjetet personale, 11 milionë euro për mbrojtjen sociale. Ndihmojmë me programin e qeverisë për asistencën. Pjesa më e madhe për ekonominë dhe biznesin, 35 milionë euro për këtë fushë. Nuk janë kredi janë grante. BE po solidarizohet me Shqipërinë dhe po merr masa paralele me shtetet anëtare. Fondet e tërmetit nuk do të preken .Të gjitha milionat e eurove grante nuk do të preken dhe do të jepen të tilla. 50 milionë eurot janë tjetër dhe grantet për rindërtimin janë tjetër.”- tha Soreca.

Ndërkohë, sipas ambasadorit Soreca, Shqipërisë i janë vendosur 4 kushte kryesore për të shkuar te tryeza e parë Ndërqeveritare për negociatat. “Kushtet që janë vendosur që Shqipëria të ulet në konferencën ndërqeveritare është Reforma Zgjedhore të miratuar në linjë të plotë sipas rekomandimeve të OSBE dhe transparenca e financimit të partivee gjatë fushatës elektorale. Vazhdimi i reformës gjyqësore, funksionimi i Gjykatës Kushtetuesedhe të Lartë por dhe lufta ndaj krimit dhe korrupsionit si dhe implementimi i plotë i SPAK dhe BKH. Shqipëria duhet të luftojë krimin e organizuar dhe pastrimin e parave si dhe të bashkëpunojë me SHBA. Këto janë të rëndësishme”, tha ambasadori.

Megjithatë, Soreca përmendi dhe kushte të tjera, që sipas tij duhet të përmbushen për procesin e integrimit. “Po ashtu është e rëndësishmë puna të vazhdojë për. Lufta kundër emigracionit të parregullt, azilantëve. Duhet bërë punë për ndryshimin e ligjit për mediat ku rol do të luajë opinioni i Venecias. Puna duhet të vijojë edhe për elementët e tjerë që janë përmendur edhe në Bundestagun gjerman ku u pa qartë edhe qëndrimi i Gjermanisë. Puna duhet të vazhdojë për çështjen e të drejtave të njeriut, të pronësisë, minoritetet. Ai grupi i parë i kushteve duhen të plotësohen përpara tryezës ndërqeveritar kurse pjesa tjetër është pjesë e kuadrit negociues. Dhe do të monitorohen nga KE. Do të jenë pjesë e raporteve që KE do të informojë vendet anëtare dhe BE.”- tha Luigi Soreca.