Ilir Meta pati një takim në presidencë sot me homologun e tij në Kosovë, Hashim Thaçi në presidencë.
Sipas Metës, mes tyre është diskutuar për gatishmërinë për vazhdimin e bashkëpunimit mes dy vendeve, me qëllim tejkalimin e pasojave social-ekonomike të pandemisë COVID-19 dhe kthimin në normalitet të jetës së qytetarëve.
“Kënaqësi të takohesha sot me Presidentin e Republikës së Kosovës, Hashim Thaçi.
Shprehëm gatishmërinë për vazhdimin e bashkëpunimit mes dy vendeve tona, me qëllim tejkalimin me sukses të pasojave social-ekonomike të pandemisë COVID-19, kthimin në normalitet të jetës së qytetarëve, dhe stabilizimin e plotë të lëvizjes së lirë të njerëzve dhe mallrave, veçanërisht me afrimin e sezonit veror turistik.
Është me rëndësi vazhdimi i dialogut Kosovë-Serbi për normalizimin përfundimtar të marrëdhënieve mes këtyre dy shteteve, që do të garantojë jo vetëm njohje reciproke por edhe të ardhmen e tyre në BE.
Bashkëjetesa midis shqiptarëve e serbëve është në interes të paqes, stabilitetit dhe perspektivës europiane të rajonit tonë”, shkruan Meta pas takimit.
Financuar Nga Bashkimi Europian
