Nuk ka marrëveshjes mes LDK-së dhe Vetëvendosjes pas takimit të radhës së liderëve të tyre, sa i përket formimit të qeverisë.
Zëdhënësi i LDK-së, Besian Mustafa u shpreh se liderët Albin Kurti dhe Isa Mustafa pas diskutimeve të radhës vendosën që të takohen më shpesh, ndërkohë që nuk foli për arsyet që pengojnë formimin e qeverisë.
“Takimi në mes dy liderëve që ka filluar në orën 17:00 tanimë ka përfunduar. Të dy liderët janë pajtuar për intensifikim të takime deri në arritjen e marrëveshjes për formimin e Qeverisë”, informoi ai.
Edhe Vetëvendosje doli me një njoftim të shkurtër: “Kryetari Kurti u takua sot në Kuvendin e Kosovës me kryetarin Mustafa. Ata do t’i vazhdojnë dhe intensifikojnë takimet pothuajse për çdo ditë deri në arritjen e marrëveshjes”.
