Tërhiqet Lorenc Vangjeli, s’do jetë më këshilltar i Ilir Metës

Analisti dhe gazetari i njohur Lorenc Vangjeli nuk do jetë më këshilltar i Presidentit Ilir Meta.

Burime pranë analistit konfirmojnë për Politiko.al, se Vangjeli do jetë i angazhuar si gazetar në “javanews”, por edhe aktiv si analist në media. Vangjeli është vëzhgues i kujdesshëm që merr pjesë rregullisht në debatet mediatike në lidhje me temat më kritike të politikës shqiptare.  

Megjithatë, deri më tani nuk bëhet e ditur arsyeja e tërheqjes së Vangjelit nga posti i këshilltarit të Metës.