Ushqime që ju bëjnë mirë dhëmbëve, çfarë të konsumojmë për t’i mbajtur të shëndetshëm

Shëndeti i dhëmbëve është po aq i rëndësishëm sa edhe shëndeti i ndonjë organi tjetër jetësor. Por shpesh herë ne e neglizhojmë, duke mos ju kushtuar rëndëi ushqimeve që konsumojmë.

Ne po ju paraqesim disa nga ushqimet që duhet të konsumoni për të siguruar shëndetin e gojës.

Djathi
Djathi, bashkë me shumë produkte të tjera të bulmetit siç është kosi, nxisin prodhimin e pështymës dhe rrisin nivelin e pehashit të gojës.

Kësisoj, ato ulin rrezikun e prishjes së dhëmbëve.

Mollët
Mollët përmbajnë shumë fibër dhe ujë që mundësojnë eliminimin e mbetjeve ushqimore nga dhëmbët.

Kafshimi dhe përtypja e mollës luan efekt pastrues falë prodhimit të lartë të pështymës.

Barishtet
Sipas studimeve, barishtet janë të shëndetshme për të gjithë organizmin, përfshirë këtu edhe dhëmbët.

Ato janë plot e për plot me vitamina dhe minerale.

Bajamet
Bajamet janë fantastike për dhëmbët sepse janë të pasura me kalçium dhe proteina por përmbajnë pak sheqer.

Bajamet kërkojnë një përtypje të vazhdueshme duke nxitur kështu prodhimin e pështymës.

Uji
Uji njihet për aftësinë e eliminimit të kavitetit dhe forcimit të dhëmbëve.

Uji shpëlan dhëmbët nga mbetjet ushqimore dhe nxit prodhimin e pështymës e cila është e domosdoshme për pastrimin dhe shëndetin e dhëmbëve.