Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vizita e parë e Nënë Terezës në Shqipëri: Informacioni sekret i vitit 1989 dhe miqësia me Artisten e Popullit, Marie Kraja

Politiko 19 Tetor 2017, 19:28

Politiko.al

Sot është Dita e Lumturimit të Nënë Terezës. 14 vjet më parë, më 19 tetor 2003, Papa Gjon Pali II, shpalli lumturimin e Nënë Terezës dhe 13 vjet më vonë, më 4 shtator 2016 u bë edhe shenjtërimi i saj. Në këtë ditë të shënuar është rasti të sjellim në vëmendje edhe një herë vizitën e parë të Nënë Terezës në Shqipëri, më 1989, si dhe disa foto ekskluzive nga kjo vizitë. Nënë Tereza kishte marrë çmimin “Nobel” për Paqe në vitin 1979 dhe regjiimi komunist, nuk njihte as fenë, as “Nobelin” e as çdo gjë tjetër perëndimore që binte ndesh me ideologjinë e tij komuniste.

Nënë Tereza, edhe pse kishte bërë disa herë luftje me shkrim autoriteteve shqiptare, i ndalohej të vinte në Shqipëri, qoftë edhe për të pritur e takuar nënën dhe motrën e saj. Vetëm në agoninë e sistemit, në fund të vitit 1989, regjimi e lejoi Nënë Terezën të vizitonte Shqipërinë, të shihte varret e nënës dhe motrës së saj.

Media e kontrolluar e shtetit, gazetat ditore, radioja dhe Televizioni shtetëror, në atë kohë, u përpoqën ta përcillnin vizitën e Nënë Terezës si një vizitë rutinë, duke mos i dhënë fare jehonë, madje as të kaluarës, biografisë apo aktivitetit të saj. Vizita e Nënë Terezës u prezantua me lajme të kontrolluara, duke i ofruar popullit vetëm takimet me zyrtarët e regjimit, vizitën në Varrezat e Dëshmoreve, njoftuan shkurt vizitën në varret e nënës Drane dhe motrës Age, në varrezat e Tiranës, ku e shoqëroi Marie Kraja dhe vizitën ne Spitalin Onkologjik, e shoqëruar nga Dr. Adelina Mazreku. Megjithatë ka edhe një informacion sekret i Sigurimit të Shtetit, në 1989. Në Shqipëri ishte i ndaluar me ligj besimi dhe ushtrimi i fesë. Aktiviteiti i saj shikohej si një bamirëse ndërkombëtare dhe nuk përmendej fare besimi në Zot. Drejtoria e Parë e Sigurimit të Shtetit me nënshkrimin e ministrit të Punëve të Brendshme, Simon Stefani, njoftonte Sekretarin e Parë të Komitetit Qendror të Partisë së Punës së Shqipërisë, Ramiz Alia, Sekretarin e këtij komiteti, Hekuran Isai si dhe ministrin e Punëve të Jashtme, Reiz Malile, mbi disa të dhëna të familjarëve të Nënë Terezës në Shqipëri. Në fakt ishte një vërtetim biografik që bëhej rëndom për raste të tilla kur pritej të binte efekti përkatës mbi personin e rrethuar me laps të kuq nga Sigurimit i Shtetit.

***

Në raprotin sekret, ndër të tjera thuhej:

“Theksojmë se Age Bojaxhiu ka motër Maria Terezën (Bojaxhiu) me banim në Kalkutë të Indisë, me profesion murgeshë, e cila njihet si personalitet i rëndësishëm ndërkombëtar në fushën e fesë. Maria ka mbajtur korrespondencë të rregullt me nënë Dranen e motrën Age, nga viti 1951 deri në vitin 1971. Disa nga letrat e dërguara kanë përmbajtje fetare.

Përveç nënës e motrës, të cilat kanë vdekur, Maria Tereza nuk ka të afërm të tjerë në vendin tonë. Rezulton se Age Bojaxhiu ka një djalë halle të quajtur Lorenco Antonio, me banim në Prishtinë, profesor në Akademinë e Shkencave, aktualisht në pension. Lorenco ka ardhur në vendin tonë para vitit 1981 me grupet e profesorëve kosovarë.

Lidhja më e afërt shoqërore e Drane dhe Age Bojaxhiut është artistja Maria Kraja, e cila ka treguar kujdes të vazhdueshëm ndaj tyre. Mbas vdekjes, Maria ka shitur sendet e orenditë shtëpiake dhe me këto të ardhura ka ndërtuar dy varret e tyre, të cilat janë mermer dhe në gjendje të mirë”.

***

Miqësia e artistes së madhe Marie Kraja me Nënë Terezën është e shenjtë. Korrespodenca mes dy personaliteve është më e hershme se vizita e parë e Nënë Terezës në Shqipëri. Ashtu siç thuhet edhe në raportin sekret të Sigurimit të Shtetit, Marie Kraja është kujdesur për motrën dhe nënën e saj. Madje ajo u ka ndërtuar varret, për të cilat Nënë Terezai i ishte shumë mirënjohëse. Në Aeroprotin e Rinasit, më 15 gusht ishte vetë artistja Marie Kraja që e priti Nënë Terezën, madje e shoqëroi në të gjitha takimet zyrtare e private që pati. Nënë Tereza i bëri edhe një vizitë në shtëpi artistes, ku për nder të saj artisjta intepretoi edhe në piano. Miqësia vazhdoi deri në ditët e fundit të jetës së shenjtores. Nënë Tereza u nda nga jeta më 5 shtator 1997, ndërsa “Artisja e popullit” Marie Kraja, u shua më 21 nëntor 1999.

[caption id="attachment_71021" align="alignleft" width="553"] Tirane 04.12.90 Nene Tereza ne kopshtin e femijeve qe mban emrin e saj.ATSH.Foto:G.Xhengo[/caption]