Flash News

Përplasje mes tre automjeteve në Lushnjë, katër të plagosur

Vrasja e Xhulio Prelës, Gjykata e Apelit i kërkon SPAK bisedat e Ervis e Brilant Martinajt

Dyshohet se dhunuan djalin e ish-deputetit të PD në Lundër, dy të proceduar

I riu denoncoi gjendjen skandaloze të rrugës, dy zyrtarët e PS e dhunojnë (VIDEO)

Ekzekutohet me armë zjarri roja i një objekti në Vlorë

E-TJERA

Vrasja e Xhulio Prelës, Gjykata e Apelit i kërkon SPAK bisedat e Ervis e Brilant Martinajt

Politiko 27 Prill 2025, 14:11

Vrasja e Xhulio Prelës, Gjykata e Apelit i kërkon SPAK bisedat e Ervis

Në kuadër të hetimeve për vrasjen e efektivit të policisë Xhulio Prela, Gjykata e Apelit i ka kërkuar informacion Prokurorisë së Posaçme (SPAK) mbi përgjimet në platformën ‘Sky ECC’.

U raportua se Apeli kërkon bisedat në SKY ECC të Ervis e Brilant Martinajt.

Kujtojmë që Gjykata e Apelit po shqyrton dosjen penale ndaj Redion Hysës dhe Nikollë Sherrnikut lidhur me vrasjen e policit Prela, i cili u vra në vitin 2020.

Edhe pse Prokuroria kishte kërkuar 20 vite burg për Redion Hysa, ai u shpall i pafajshëm nga Gjykata e Lezhës, lidhur me akuzën e vrasjes se punonjësit të policisë.

Ndërkohë Nikollë Sherrniku, që kishte lidhje të ngushtë me Ervis Martinaj, akuzohet për krijim të kushteve për te kryer vrasje lidhur me këtë ngjarje.

Për vrasjen e Xhulio Prelës, fillmisht u akuzua Brilant Martinaj, kushëri i parë i Ervis Martinaj. Më vonë prokuroria e pushoi akuzën për të dhe arrestoi Hysën.

Gjatë shqyrtimit të dosjes në Apelin e Juridiksionit të Përgjithshëm janë marrë dëshmitë e zyrtarëve të policisë që hetuan çështjen, në një kohë që gjykata ka vendosur t’i kërkojë SPAK bisedat e mundshme në Sky ECC në kohën kur ngjarja ka ndodhur, mes Ervis Martinaj kushëririt të tij të ndjerë Brilant Martinaj dhe nëse këta të dy apo përdorues të tjerë kanë biseduar për krimin dhe nëse implikuar dy të pandehurit Hysa e Sherrniku.

Pasi të administrojë këtë provë, Apeli do të firmosë dhe verdiktin e tij lidhur me dy të pandehurit.

Xhulio Prela u vra teksa kthehej nga Shkodra drejt Tiranës, pasi kishte shoqëruar një të afërmin e tij. Referuar pamjeve të kamerave të sigurisë, të vetmet automjete që rezultojnë të ketë lëvizur ne atë rrugë për një kohë të gjatë, për shkak se lëvizjet ishin të kufizuara nga pandemia e covid, janë ai që dertohej nga Xhulio Prela dhe i dyti nga Brilant Martinaj.

Kjo e fundit provohet nga kamerat e sigurisë të një karburanti shumë pranë vendit ku ndodhi krimi, ku Martinaj i veshur me rroba ushtarake ndalohet dhe furnizon makinën me karburant.

Brilant Martinaj u ekzekutua me 17 korrik 2022 tek mbikalimi i Fushë Krujës bashkë me dy miqtë e tij dhe pas atentatit mafioz gjykata e Lezhës liroi nga akuzat Redion Hysën, pas afro dy vitesh qëndrimi në paraburgim.

Të fundit