Analisti: Edi Rama është mashtrues ordiner

Gazetari dhe analisti Armand Shkullaku është treguar i ashpër në akuzat e tij ndaj kryeministrit Edi Rama.

I ftuar në SYRI TV, Shkullaku e ka cilësuar Ramën si mashtrues ordiner, pasi sipas tij nuk ka mbajtur asnjë premtim të bërë gjatë 12 viteve të qeverisjeve të tij.

‘Ne po e trajtojmë këtë punë seriozisht sikur bëhet fjalë për një politikan që megjithë mend ka pasur preokupimin për të realizuar premtimet dhe diçka e vogël i ka ceduar rrugës.

Ky është një mashtrues ordiner, që nga vendet e punës, te legalizimet, ujin e pijshëm.

Unë e kuptoj vështirësitë që mund të kenë buxhetet e vogla, por që në 2025 të hapësh rubinetat në të gjithë zonën e Tiranës së re dhe te dalë mut nga rubineti, kjo nuk ndodh.

Por ti e di shumë mirë pse ndodh, se këto kullat ngrihen mbi kolektorë dhe ti e di që Tirana është i vetmi kryeqytet që ujërat e zeza i derdhim në Lanë dhe kur bie shi, i gjithë qyteti vjen erë.

Të mos kesh ujë është një gjë, por të vijë ujë i ndotur në rubinet aty ku pinë ujë, fëmijë, gra, të moshuar se jo të gjithë kanë mundësi të blejnë ujë, një pjesë e madhe duan ta përdorin nga çezma dhe kjo është një e drejtë legjitime.

Ky del si sharlatan në 2013 dhe thotë do ketë ujë të pijshëm në çdo shtëpi 24 orë, të dalë në 2022 e premton prap, del tani e premton prap.

Kjo do të thotë se nuk je normal.

Ky e premton prap dhe prap gënjen.

Rama ose ka gënjyer, ose ka pasur në mëndje 2030.

Këtë tjetër besoj se e di, kur ai thotë se do merrni pasaportën evropiane në 2030, ti e beson se do marrim pasaportë evropiane në 2030?  

E pra mbrojtshme është se në 12 vjet, nuk ka diçka që të thuash se ky e ka bë’, u shpreh Armand Shkullaku