Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

10 purot më të shtrenja në botë

Politiko 28 Mars 2019, 18:42

Tymosja e purove asociohet kryesisht me pasurinë, klasin dhe luksin. Janë një numër i madh purosh në shitje dhe më të mirat sot bëhen nga duhani më i mirë, 'strehohen' në mbështjellëse të çmuara dhe bëhen me dorë me kujdesin dhe saktësinë më të madhe.

Po cilat janë purot më të shtrenja në botë:

1. MAYAN SICARS - USD 507,000

Puro më e shtrenjtë që është blerë ndonjëherë është Puro Maja (Mayan Sicar). I kushtoi blerësit 507 mijë dollarë në ankand. Puroja antike është 600 vjeçare dhe u gjet në vitin 2012 në një fshat në Guatemalë. Ato janë të ruajtura mirë dhe ende mund të pihen. Cigaret i përkasin qytetërimit Maja.

2. GRAN HABANO NO. 5 "EL GIGANTE" - USD 185,000

Kjo është puroja më e madhe në botë dhe u bë me qëllim për t'u ekspozuar në panairet tregtare. Për ta bërë u përdorën 725 kg duhan. Me një çmim fillestar prej 200 mijë dollarësh kjo puro mund të pihet nga 40 njerëz në të njëjtën kohë. Ajo është e gjatë 15.7 metra dhe përafërsisht peshon sa 25 000 puro normale. Megjithëse nuk u bë për t'u shitur, një i apasionuar e bleu për 185 mijë dollarë.

3. KING OF DENMARK - USD 4,500 PER CIGAR

'Mbreti i Danimarkës' mud të bëhet sipas preferencave të blerësit. Ata mund të zgjedhin të shtojnë një fletë të artë me emrin e tyre në të dhe gjithashtu të shtojnë metale të çmuara apo diamante. Çdo puro vjen me një humidor të çmuar (prezervues) që kushton 8500 dollarë, i cili ka një kurorë prej argjendi autentik dhe një shtresë prej ari 24 karatësh.

4. GURKHA BLACK DRAGON - USD 1150 PER CIGAR

Këto puro u hodhën në treg në vitin 2006 si edicione speciale (limited edition) dhe rrjedhimisht janë shumë të rralla. Ato vijnë në një kuti të bërë me asht gamiljeje. Mbështjellësi i tyre është bërë nga duhani i veçantë Connecticut Broadleaf Maduro

Çdo puro paketohet individualisht në një tub të ftohur dhe më pas futet në një kuti lëkure që ka shtresa kadifeje ngjyrë protokalli. Shija e çdo puroje është shumë komplekse dhe varion nga e athët në të ëmbël përgjatë gjithë gjatësisë.

5. GURKHA HIS MAJESTY'S RESERVE - USD 750 PER CIGAR

Vetëm 100 kuti të Gurkha His Majesty's Reserve prodhohen çdo vit dhe një amator purosh duhet t'i porosisë që më parë që të mund t'i shijojë kur ato të prodhohen. Mbështjellësi është me gjethe të Connecticut Maduro dhe mbushet me duhan të grirë domenikan 15 vjeçar. Mbushësi është i aromatizuar me konjak Luigji XIII , duke i dhënë një aromë të mrekullueshme.

6. COHIBA BEHIKE - USD 450 PER CIGAR

Një prej purove më popullore në Kuba, Cohiba e hodhi në treg këtë edicion special e të limituar prej vetëm 100 kutish, me 40 puro secila, për të festuar 40 vjetorin, në vitin 2006. Duhani rritet dhe prodhohet në fabrikën Laguito Cohiba. Kutitë përmbajnë varietete të ndryshme nga rajonet Pinar del Rio dhe Vuelto të Kubës bashkë me një humidor francez nga Elie Blue.

7. FUENTE DON ARTURO ANNIVERXARIO - USD 163

Kompania Arturo Fuente për 100 vjetorin e themelimit, në vitin 2001 krijoi këtë edicion të limituar të kutive të purove, secila me 46 cigare, që janë të mbështjella me Maduro. Ato u hodhën në treg edhe njëherë në vitin 2008. Mbështjellësit e secilës cigare janë nga Chateau de la Fuente, aty ku kompania e filloi biznesin në vitin 1912.

8. ARTURO FUENTE OPUS X - USD 79

E gjindshme në shumicën e shitoreve më prestigjioze të purove në botë, Arturo Fuente Opus X u hodh në treg më vitin 2003. Purot kanë një shije të lehtë jalapeno (speci djegës). Ato janë të mbështjella me fletë Rosado që ritet në plantacionin Chateau de la Fuente.

9. REGIUS DOUBLE CORONA - USD 52.78 PER CIGAR

Prodhuesi i këtij edicioni special është një kompani britanike e quajtur Regius Cigars, e cila iu ofron blerësve të saj përvojën e një fluturimi 'first class' në zyrat qendrore të Regius ku mund të ndihmojnë në krijimin e puros së tyre unike, dhe më pas mund të marrin me vete një mijë puro të prodhimit të tyre special.

10. LOUIXS - USD 50

Louixc është krijuar nga Goldwyn Metropolitan Company në Nikaragua. Purot kanë portretin e Luigjit XIV. Ato mbështillen me gjethe duhani Rosado dhe mund të blihen me kuti apo individualisht. Ato kanë përzierje kakaoje dhe erëzash.