Gjykata Kushtetuese ka pranuar të shqyrtojë vlefshmërinë e zgjedhjeve lokale të 30 qershorit 2019.
Ademi depozitoi në korrik kallëzimin penal për ligjshmërinë e zgjedhjeve të 30 qershorit, teksa i bëri thirrje prokurorisë të hetojë pa iu nënshtruar asnjë presioni politik.
Tre gjyqtarë kushtetues në Dhomën e Këshillimit kanë vendosur që ta kualifikojnë padinë e Voltana Ademit. Për të gjykuar kërkesën nevojitet plotësimi i trupës së Kushtetueses me të paktën 6 anëtarë, ndërkohë që aktualisht ka vetëm 4 të tillë. Vlerësimi i ligjshmërisë së zgjedhjeve të 30 qershorit është një ndër kërkesat e Bundestagut gjerman për hapjen e negociatave të anëtarësimit në BE.
Kujtojmë se në dhjetor, Gjykata Kushtetuese mori në shqyrim edhe padinë e presidentit Meta për shfuqizimin e ligjit që i hap rrugë prishjes së Teatrit Kombëtar.
