700 vite histori, Kisha e Shirqit një ‘ishull’ që dëmtohet çdo ditë nga uji

Kisha e Shirqit në brigjet e lumit Buna ndodhet në mes të ujit dhe po dëmtohet çdo ditë e më shumë. Sot atje mund të shkosh vetëm duke përdorur varkën.

Historianët e kanë dokumentuar ndërtimin e saj në vitin 1290 nga mbreterësha frënge, Helene.

Por studimet e tjera kanë vënë në dukje se ajo e ndërtoi kishën mbi themelet e një manastiri të urdhrit të Shën Benediktit, të themeluar nga Perendori Justinian.

Ky vend ka qenë i preferuari i shumë prijësve të Ballkanit për ceremoni martesore, por sot ndodhet në rrezik nga harresa dhe uji që e përmbyt.