Brenda pak ditësh arrestohet edhe i dyti “i fortë” nga Shijaku. Kësaj here është një 50-vjeçar nga Shijaku, i cili është arrestuar nga policia e Durrësit me qëllim ekstradimi në Itali. Policia sqaron se në pranga u vu Riza Sheshi i cili ishte shpallur në kërkim ndërkombëtar.
“Gjykata e Genovës në Itali ka lëshuar për Sheshin urdhër arresti për veprën penale “Pjesëmarrje në organizata kriminale me qëllim shfrytëzim prostitucioni”parashikuar në nenet 81, 110 dhe 416 të Kodit Penal Italian”, informon policia.
Arretimi i 50-vjecarit u bë nga specialistët për Hetimin e Trafiqeve në drejtorinë e policisë Durrës.
Pak ditë me parë u arrestua Durim Keçi, ndërsa ditën e djeshme Gjykata e Durrësit vendosi masën e sigurisë “arrest me burg” për qëllime ekstradimi në Itali. Keci ishte në kërkim nga autoritetet italiane për trafik droge dhe shfrytëzim prostitucioni.
Financuar Nga Bashkimi Europian
