Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Cilat janë 7 vendet që do hapin zyrtarisht kufijtë për të pritur turistët

Politiko 23 Maj 2020, 15:29

Të bësh pushime dhe të "arratisësh" nuk ka qenë kurrë më tunduese se tani, pas një karantine pak më shumë se dy mujore. Anulimet e udhëtimeve, shtyrja e planeve dhe pezullimi i jetës, ka bërë që shumë vende të vuajnë pasojat ekonomike që tashmë do ndihen akoma më shumë pas pandemisë globale.

Por ka disa shenja shprese nga vendet e huaja pasi po mundohen që shumë shpejt të jenë të gatshëm dhe për turizmin. Por cilat janë vendet që kanë njoftuar hapjen e kufijve dhe që do presin turistët shumë shpejt.

Italia

Pas 3-qershorit, e cila varet nga fakti nëse ka do të ketë apo jo raste të reja të tjera me koronavirus, turistëve nuk do t'ju kërkohet të karantinohen pas mbërritjes. Restorantet, kafenetë dhe baret po hapen gradualisht me masa distancimi social që akoma ekzistojnë. Siçilia po inkurajon vizitorët që ta zgjedhin këtë destinacion fantastik duke ulur çmimet e akomodimit në hotel, sidomos gjatë vjeshtës e në vazhdim.

Islandë

Qeveria e Islandës ka njoftuar se pret të fillojë lehtësimin e kufizimeve për ardhjen e turistëve ndërkombëtarë, jo më vonë se 15 qershori! Detajet e sakta të vendimeve pritet të bëhen publike në vijim, ndërkohë që po mendohet që turistëve t'u jepet një alternativë zgjedhjeje nëse duan të bëjnë një test për virusin sapo të mbërrijnë ose një karantinë dy javore.

Greqi

Greqia do të rihapë dyert e saj për vizitorët ndërkombëtarë nga 15 qershori. Kryeministri grek Kyriakos Mitsotakis tha se turistët nuk do të kenë nevojë të bëjnë një test koronavirusi, dhe as nuk do të duhet të karantinohen pas mbërritjes. Aeroporti i parë që do të hapet do të jetë Aeroporti Ndërkombëtar i Athinës, dhe nga 1 korriku, të gjitha aeroportet greke do të jenë të hapura për fluturimet nga jashtë. Turizmi përbën 20 përqind të PBB-së së Greqisë, kështu që masat e ndërmarrja pritet që të forcojnë punësimin dhe ekonominë.

Portugali

Portugalia ka filluar hapjen e hoteleve, bareve, klubeve të natës dhe restoranteve gjatë javëve të fundit, por nuk ka ende asnjë datë se kur lejohen mbërritjet e vizitorëv ndërkombëtarë në vend. Plazhet do të rihapen në 6 qershor dhe njerëzve do tu kërkohet distancimi social, afro 1,5 metra larg. Vendasit mund të kontrollojnë paraprakisht nëse plazhi i tyre më i afërt ka hapësirë duke përdorur një aplikacion të ri, i cili përcakton se sa njerëz janë në plazhe në çdo orë të ditës.

Belize

Belizeja e bukur aktualisht është pa Covid-19, një nga vetëm 12 vendet në botë që falë një platforme strikte gjurmimi dhe raportimi dhe një reagimi të shpejtë të qeverisë ndaj shpërthimit të virusi, është sot një nga vendet më pak të prekura. Vendi regjistroi vetëm 18 raste total deri më sot dhe dy vdekje. Autoritetet e Belize shpresojnë të rihapin aeroportin Ndërkombëtar Philip Goldson (PGIA) më 1 korrik.

Spanjë

Spanja filloi kufizimet e rrepta të bllokimit në fillim të majit, dhe shpreson të mirëpresë vizitorët ndërkombëtarë në qershor. Ishujt Balearik dhe Kanariet do të jenë të parët që do të hapen për turistët dhe kujtdo që arrin në vend do t'i duhet të bëjë 14 ditë karantinë të detyrueshme. Ministri i jashtëm spanjoll Arancha González Laya këmbënguli se masa të tilla janë të përkohshme, duke shtuar se karantina mund të zëvendësohet nga kontrollet e temperaturës dhe certifikatat e shëndetit që tregojnë se turisti nuk është i prekur nga virusi.

Qipro

Zëvendësministri i Turizmit të Qipros, Savvas Perdios ka konfirmuar se ishulli do të rihapë aeroportet në 9 qershor pasi ka arritur të kontrollojë dhe parandalojë përhapjen në masë të virusit. Deri tani, ky vend ka vetëm një rast të ri prekjeje nga Covid-19 dhe 918 në total në rang vendi.