Flash News

Sherr mes adoleshentëve, 15-vjeçari përfundon në spital

Konstituimi i Kuvendit të Kosovës, dështon edhe propozimi për votim të fshehtë

Aksident në aksin Peqin–Elbasan, plagosen rëndë dy persona

‘Fight, fight, fight’/ PD-ASHM drejt fitores historike, LaCivita mobilizon fushatën në takimin me kandidatët

Makina përplas këmbësoren në aksin Korçë – Pogradec, ndërron jetë 43-vjeçarja

E-TJERA

Administrata dhe shkollat në fushatë? KQZ: Në një rast propozuam sanksione

Politiko 30 Prill 2025, 21:55

Administrata dhe shkollat në fushatë? KQZ: Në një rast

Megjithatë, eksperienca ka treguar se gjithmonë ka problematika nga më të ndryshmet që cënojnë procesin. Denoncimet kanë nisur tashmë në KQZ, nëpërmjet rrugëve elektronike, postës apo edhe telefonatave. Partitë politike dhe organizatat joqeveritare i janë drejtuar këtij institucioni duke renditur shqetësimet për fushatën elektorale.

“Deri në këto momente kemi pasur 89 denoncime të përcjella nga parti politike, kryesisht nga Partia Demokratike. Tre denoncime janë përcjellë nga sinjalizues që nuk kanë dashur të bëhen publikë, dhe 31 denoncime janë përcjellë nga organizata jofitimprurëse”, u shpreh Pavlina Doçaj, drejtoreshë e ligjshmërisë.

Këto të dhëna janë dinamike dhe ndryshojnë nga dita në ditë, pasi regjistrimi i kësaj interviste është bërë disa ditë para transmetimit.

Organizata “Qëndresa Qytetare” ka bërë disa raporte monitorimi ku ka evidentuar shkelje sa i takon përdorimit të nxënësve, mësuesve dhe profileve zyrtare të shkollave në fushatën elektorale. Sipas organizatës, 36 institucione arsimore të niveleve të ndryshme vendosën në dispozicion faqet zyrtare të tyre në favor të fushatës elektorale të Partisë Socialiste.

Këto institucione, në varësi të Ministrisë së Arsimit dhe Sportit, janë angazhuar në forma të ndryshme, duke përfshirë pëlqimin, komentimin apo shpërndarjen e postimeve që përmbajnë thirrje elektorale. Pjesë e tyre janë drejtoritë rajonale arsimore, zyrat arsimore, si dhe shkolla 9-vjeçare dhe të mesme.

Mes denoncimeve renditet edhe takimi elektoral për prezantimin e kandidatit Olsi Komici në palestrën e Gjimnazit “Ibrahim Muça”, duke shkelur nenin 91 të Kodit Zgjedhor mbi përdorimin e burimeve publike.

Edhe nisma “Kuvendojmë për Shqipërinë” është denoncuar në KQZ për përdorim të fondeve publike për aktivitete politike. Shkelje janë cilësuar takimet e kryera në kuadër të këtij programi, dhe është vërejtur mungesa e zëvendëskryetarit të Kuvendit, Agron Gjekmarkaj, i cili përfaqëson opozitën. Pikërisht ky fakt, si dhe video e transmetimit të takimit “Kuvend-On”, hedhin më tej dyshime lidhur me natyrën politike të këtyre aktiviteteve. Komisioni i Ankesave dhe Sanksioneve e ka pushuar hetimin për rastin, duke argumentuar se ishte një aktivitet i planifikuar më herët.

“Ka pasur vetëm një rast kur kemi propozuar sanksion administrativ për kryetarin e Kuvendit, por kërkesa nuk është pranuar nga Komisioni i Ankesave dhe Sanksioneve. Është konstatuar, në bazë të një denoncimi, se objekti i veprimtarisë së institucionit të Kuvendit ka qenë informimi, apo kryerja e një detyre funksionale për të informuar shkollat apo universitetet në disa bashki të vendit në lidhje me punën që kryen Kuvendi. Por është konstatuar se gjatë kësaj veprimtarie janë thënë edhe shprehje elektorale, të cilat janë vërtetuar. Po, ka pasur thirrje elektorale, dhe nga ana jonë, nga ana e Komisionerit Shtetëror të Zgjedhjeve, është propozuar një masë e caktuar sanksionuese”, u shpreh Pavlina Doçaj, drejtoreshë e ligjshmërisë. TCH