Flash News

Arrestohet 11 persona në Tiranë

8 dhjetori dhe vjedhësi i simboleve

Uzurpoi Ditën e Rinisë, PS e çel Kongresin me sulme ndaj opozitës, asnjë fjalë për të rinjtë e larguar

Dritan Goxhaj kallëzon në SPAK ministrin Ulsi Manja

Ftohtë dhe ngrica, parashikimi i motit për sot

Ditari i Opozitës

Berisha pas seancës për buxhetin: Banorët e fermës së Ramës e miratuan për 5 minuta

Politiko 20 Nëntor 2023, 10:17

Berisha pas seancës për buxhetin: Banorët e fermës së

Kryedemokrati Sali Berisha ka folur për mediat pas përfundimit të seancës, ku është miratuar projektbuxheti 2024.

Berisha është shprehur se kjo është një skenë e shëmtuar në historinë e parlamentit.

“Ju e patë vetë skenën më të shëmtuar në historinë 32-vjeçare të parlamentit.
Ju e patë vetë se si banorët e fermës së Edi Ramës, lexo Xhorxh Oruellit, kaluan brenda 5 minutash, aktin themelor të vitit, buxhetin e shtetit.

E kaluan në mënyrë antikushtetuese, antiligjore, sepse ky buxhet erdhi këtu jo mbi bazën e procedurave që përcakton Kushtetuta dhe rregullorja e Kuvendit, por erdhi si një proces klandestin, i zhvilluar në mejhane me ahengje dhe në mënyrë të paparë.
Kështu siç nisi, ne erdhëm këtu për të bllokuar procesin, në mënyrë që buxheti, akt themelor i vitit në parlament, të merrte të gjithë dimensionet që i takonin, por ata e kaluan atë brenda 7 minutash, në frikë dhe tmerr.

E votuan, por nuk votoi askush, nuk ka asnjë evidencë për votimin, as për ndonjë gjë tjetër, përveç cicërimit si papagall të shërbëtores së Edi Ramës, Lindita Nikollës.
Kjo dëshmon drejtësinë e betejës pa kthim të opozitës, e cila edhe sot korri një fitore në betejën e saj pa kthim, pasi u bëri të pamundur hajdutëve të mbrojnë vjedhjen e tyre të mashtrojnë shqiptarët me vjedhjen e tyre. I bëri të pamundur Edi Ramës të ligjërojë për buxhetin e vjedhjes më të madhe në histori, buxhetin e gjobës më të madhe ndaj shqiptarëve.
Beteja pa kthim e opozitës vazhdon.” tha Berisha .

 

Të fundit