Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Lela: Gjuha e raportit të DASH, ndër më të ashprat e viteve të fundit. Hedh dritë jo pozitive mbi Yuri Kim

Politiko 20 Mars 2023, 21:35

Lela: Gjuha e raportit të DASH, ndër më të ashprat e viteve

Drejtori i Zyrës së Shtypit dhe Komunikimit të PD, Alfred Lela ka komentuar raportin e Departamentit Amerikan të Shtetit për Shqipërinë.

Duke folur në ‘Çim Peka LIVE’, ai është shprehur se gjuha e përdorur në këtë dokument është ndër më të ashprat e viteve të fundit.

Lela u shpreh se gjuha e përdorur në raport, hedh një dritë jo pozitive mbi ambasadoren e SHBA-së në Tiranë, Juri Kim.

“Gjuha e raportit që është ndër më të ashprat të viteve të fundit dhe marr gjuhën e ambasadës dhe ambasadores. Nuk kanë përputhje kërkund.

Gjuha, statuset në Tëitter në Facebook të ambasadores janë sikur ne jetojmë në Danimarkë, kurse raporti flet për atë që megjithëmend është Shqipëria; një vend me plot probleme, demokraci hibride, probleme të autoritarizmit, korrupsionit, probleme të mëdha të medias e me radhë.

 Kjo mospërputhje më bën përshtypje dhe besoj se hedh një dritë jo pozitive mbi ambasadoren aktuale të SHBA në Tiranë e cila flet me dy gjuhë. Ka një gjuhë tjetër për këtu dhe ka një gjë tjetër për të thënë në raportin që çojnë tek institucioni që përfaqëson atë”, shprehet Lela.

Lela po ashtu e vë theksin tek “krenaria e qeverisë”, patronazhistat.

“E sigurt që raporti nuk është ‘copy paste’ dhe Rama nuk e thotë dot këtë. Përmendja e Agron Shehajt dhe medieve në pronësi të Hysenbelliut, janë raste që kanë bërë zhurmë dhe janë kapur. Por nuk janë vetëm portalet dhe mediat që kanë censurë, por thotë për ndikim të drejtpërdrejtë të qeverisë. Është qeveria që pamendet në fillim për shtrembërimin e peizazhit mediatik të vendit. Një gjë tjetër me të cilën qeveria është krenuar, “nuk ka patronazhistë, i duam patronazhistët, të dhënat personale” janë të përmendura në raport’, theksoi analisti Lela.

Të fundit