Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Mediu: PD e bashkuar, rruga më e mirë për të rrëzuar krimin, korrupsionin dhe qeverinë socialiste

Politiko 14 Qershor 2024, 11:01

Mediu: PD e bashkuar, rruga më e mirë për të rrëzuar

Kryetari i Partisë Republikane, Fatmir Mediu e ka cilësuar marrjen e vulës së partisë Demokratike hap pozitiv, i cili, sipas tij, duhet shoqëruar me përgjegjësinë për të pasur një PD të bashkuar dhe opozitë të bashkuar pa pargjykime

Në një postim në llogarinë e tij në ‘Instagram’, Mediu shkruan se një PD dhe opozitë e bashkuar është rruga më e mirë për tu përballë me krimin dhe korrupsionin dhe qeverinë socialiste.

Postimi:

Vendimi për vulën dhe simbolet e PD është një hap pozitiv shumë i rëndësishëm, i cili duhet shoqëruar me përgjegjësinë për të pasur një PD të bashkuar dhe opozitë të bashkuar pa pargjykime.

Një PD dhe opozitë e bashkuar edhe në diversitetin e saj është rruga më e mirë për tu përballë me krimin dhe korrupsionin dhe qeverinë socialiste.

Struktura e “Brain gain” pranë PD, së bashku me të rinjtë e opozitës duhet të udhëheqin lëvizjen opozitare për ta gjallëruar atë me ide të reja, lider të rinj.

Ata duhet të kthehen në qëndrën e referencës pozitive në debat në universitete dhe shkolla për vlerat më të mira që mbron e djathta dhe që ka nevojë Shqipëria. Ata duhet të ndërtojnë një lëvizje rinore jashtë kontrollit dhe klisheve të partive.

Kjo lëvizje duhet të bashkojë traditën dhe historinë e të djathtës shqiptare me atë Europiane dhe të SHBA.

Shtrirja e organizimit të Federatës opozitare në gjithë qarqet, qytetet dhe deri në qëndrat e opozitës është po ashtu një domosdoshmëri, për tu përballur me pushtetin, aktivistët dhe krimin zgjedhor.

E djathta shqiptare duhet të kuptojë se ajo që ndodhi në zgjedhjet parlamentare Europiane ishte një zgjim dhe reagim kundër shkatërrimit të familjes, besimit dhe mbi të gjitha kundlr pushteteve që kontrollojnë, imponojnë e detyrojnë rregullave të jetës dhe lirisë dhe mbysin mundësitë për të zhvilluar dijen dhe ekonominë.

Të fundit