Flash News
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Protesta e 7 korrikut/ Deputetët që konfirmuan pjesmarrjen, çfarë deklaruan para se të hynin në Kuvend
Përfaqësues të opozitës kanë deklaruar se do t’i bashkohen protestës së 7 korrikut. Të pyetur nga gazetarët para se të hynin në Kuvend, kreu i Partisë Agrare Ambientaliste, Agron Duka konfirmoi do i bashkohet protestës.
“Po ne do marrim pjesë, PAA, nuk kemi asnjë lloj rakordimi me zotin Berisha apo organizatorët e protestës por mendojmë që për çështjet të cilat bëhet protesta për çmimet e tj por sidomos për probemet që ka bujqësia sot mendoj që PAA duhet të jetë prezent në protestë”, tha Duka.
Edhe deputetja Ina Zhupa do të jetë në protestën e 7 korrikut. Ajo ftoi të gjithë kolegët deputetë të opozitës që të lënët ndasitë mes tyre dhe t’i bashkohen grupeve të punës së protestës.
“Më datë 7 korrik, çdo opozitar, çdo qytetar i pakënaqur nga kjo qeverisje, çdo socialist i ndershëm, çdo njeri që i ka ardhur deri në fyt duke i vënë shkelmin kjo lloj qeverisjeje duhet të vi në shesh dhe të protestoj.
Detyra minimale e çdo deputeti, i cili është përfaqësuesi i popullit që ka marrë votat opozitare është që të jetë organizator dhe pjesëmarrës në protestë. Deputetët në qarqet e tyre përfaqësojnë ata qytetarë opozitarë që i kanë zgjedhur dhe është detyra e tyre funksionale si deputet për të qenë në grupet e punës.
Ne e kemi nisur punën 4 deputetët e Vlorës kemi qenë për t’iu bashkuar protestës dhe këtu nuk kemi qenë të ndarë. Në bindjen tonë ne mund të mbështesim njërin apo tjetrin, por kur vjen puna për të mbështetur qytetarët ne jemi të bashkuar”, tha Zhupa.
Në të njëjtën linjë edhe deputeti Xhemal Mziu konfirmoi pjesëmarrjen në protestë.
“Nuk është se kemi dalë në terren, por e rëndësishme është që në 7 korrik është një betejë për të gjithë qytetarët shqiptarë dhe jo vetëm për demokratët. Nuk besoj se ka një situatë më kritike në familjet shqiptare se sa sot, kemi çmime rekord në botë dhe shumë herë më të larta se vendet e rajonit.
Kemi papunësinë më të madhe dhe korrupsionin më galopant që mund të ketë një shtet dhe pak ditë më parë zumë dhe vendin e 7-të në botë për sa i përket hashashit. Nuk është një protestë e Berishës, është një protestë e demokratëve kundër kësaj qeveria e cila nuk duhet të ishte në pushtet për shkak të vjedhjes së votave më 25 prill. Edhe ata socialist të ndershëm që e kanë votuar janë bërë pishman për shkak të situatës ekonomike”, tha Mziu.
Po ashtu edhe deputeti Ervin Salianji deklaroi jashtë dyerve të Kuvendit se kushdo duhet të bëjë maksimumin për kërë protestë.
“Pa diskutim që protesta e 7 korrikut duhet mbështetur. Kushdo duhet të bëjë maksimumin. Përgjegjësia është e atyre që janë thërritur. Pa diskutim ata janë në të drejtën e tre të bëjnë grupe pune dhe deputetë të tjerë janë të drejtën e tyre të bëjnë grupe të tjera pune. Nuk mund të bëhen grupe pune në mënyrë të njëanshme dhe të paorganizuar. Shqipëria ka 1001 arsye për të protestuar. Shqipëria varfërohen më shumë dhe largohen nga Shqipëria. Ky është themeli i protestës.
Demokratët nuk janë as kishë as xhami. Këtu ka përfaqësim. Unë nuk kam ndryshuar asnjë qëndrim në krahasim me atë që kam thënë më 6 mars. Nuk kam asnjë qëndrim pas 6 marsit. Në politikë vota është realiteti që unë nuk mund ta shmang. Unë kam bërë një betejë për demokratët duke menduar se cila është rruga më e mirë. Demokratët kanë menduar ndryshe”, deklaroi Salianji.