Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Hapet qendra e tretë e vaksinimit/ Pas Vlorës, si do të vijojë plani në qytetet e tjera

Politiko 18 Shkurt 2021, 12:53
Hapet qendra e tretë e vaksinimit/ Pas Vlorës, si do të
Foto ilustruese

Sot është e hapur qendra e tretë e vaksinimit në Shqipëri. Pas Shkodrës dhe Tiranës, duke nisur nga e enjtja ka filluar procesi i vaksinimit edhe në Vlorë, në mjediset e Pallatit të Sportit. Personeli shëndetësor do të jetë i pari që do të marrë dozën e vaksinës.

Aty mbërritën rreth 200 doza vaksinash. Ministrja e Shëndetësisë Ogerta Manastirliu njoftoi se me ardhjen e vaksinave të tjera procesi do të shtrihet edhe në kategorinë +80 vjeç, ndërkohë që do të vijojë sipas planit në të gjitha shtëpitë e të moshuarve publike dhe jo-publike.

Ndërkohë shefja e Departamentit të Epidemiologjisë në ISHP, Silva Bino tregoi si do të vijojë plani i vaksinimit në qytetet e tjera. Ajo tha nga Vlora se pas këtij qyteti, fushata e vaksinimit do të shtrihet në Gjirokastër, Fier, Elbasan dhe Korçë. Bino do të marrë sot dozën e parë të vaskinës në Vlorë.

"Sot në Vlorë, pastaj nesër në Fier, ndërkohë dhe Gjirokastra do fillojë me shtëpitë e moshuarve, Elbasani dhe Korça. Asnjë dozë nuk kemi humbur. Midis personelit shëndetësor ka shumë pak skepticizëm, pranushmëria ka qenë e mirë, vetëm ato që e kanë kaluar ua kanë lënë radhën të tjerëve, por duhet punuar për te grupet e tjera, nuk kemi pasur  efekte anësore nga vaksina", tha Bino.

Procesi i vaksinimit në Shqipëri ka nisur më 11 janar. Në Tiranë ky proces po zhvillohet në mjediset e stadiumit Air Albania. Nuk ka një numër se sa përsona janë vaksinuar deri më sot në vendin tonë.

Të parët që i janë nënshtruar këtij procesi janë bluzat e bardha, grupi më i riskuar nga koronavirusi. Më pas fushata do të vazhdojë më të moshuarit.

Të fundit