Gazeta turke “Daily Sabah” ka publikuar regjistrimet audio të bisedës horror mes gazetarit Jamal Khashoggi dhe ekzekutorëve të tij, që sipas DS ka qenë një skuadër vrasësish sauditë prej 15 vetësh.
Bëhet fjalë për transkriptet e një regjistrimi që tregon momentet e fundit të Khashoggit përpara se të vritej.
Gazetari, një zë kriti i qeverisë saudite, u vra në konsullatën e Arabisë Saudite në Stamboll në tetor të vitit 2018. Bisedat e regjistruara para dhe pas vrasjes së gazetarit në këtë konsullatë, u morën nga Organizata Kombëtare e Inteligjencës turke (MIT) dhe u nda me autoritetet e posaçme turke që po merreshin me këtë çështje, si dhe me zyrtara dhe institucione ndërkombëtare.
Regjistrimi pretendohet se përfshin fjalët e fundit të Khashoggit dhe sipas DS, një ekspert mjeko-ligjor i dërguar nga Arabia Saudite bashkë me një grup ekspertësh i referohen gazetarit si ‘kafshë që duhet flijuar’.
Një nga regjistrimet përfshin bisedën mes Maher Abdulaziz Mutreb, numri dy i skuadrës së ekzekutuesve dhe Dr. Salah Muhammed Al-Tubaigy, kreu i Mjeksisë Ligjore në Departamentin e Sigurisë së Përgjithshme Saudite, i cili ishte përgjegjës për shpërbërjen e trupit të Khashoggi-t.
Biseda mes Mutreb dhe Al-Tubaigyt zhvillohet 12 minuta përpara se gazetari të mbërrinte në konsullatën saudite në Stamboll.
Biseda mes të dyve, të cilët janë mes pesë të dyshuarve që përballen me dënimin me vdekje në Arabinë Saudite për vrasjen, është si më poshtë.
Biseda e zbardhur nga Daily Sabah:
Mutreb: A është e mundur ta vendosni trupin në një thes?
Al-Tubaigy: Jo, është shumë i rëndë dhe shumë i gjatë. Në fakt, unë kam punuar gjithmonë me kufomat. Di si t’i pres shumë mirë. Asnjëherë nuk kam punuar me një trup të ngrohtë më parë, por do ta menaxhoj me lehtësi edhe këtë. Unë zakonisht vë kufje dhe dëgjoj muzikë kur pres kufomat. Në të njëjtën kohë pi kafe dhe tymos ndonjë cigare. Pasi ta ta kem copëtuar do t’i mbështillni pjesët në qese plastike, do t’i vendosni në valixhe dhe do t’i nxirrni jashtë. Eprorët e mi në Mjekësinë Ligjore nuk dinë gjë se çfarë po bëj. Nuk më mbron kush…
Mutreb: Erdhi “kafsha që do sakrifikohet”?
Në këtë moment Khashoggi hyn në konsullatë dhe pasi fillon të dyshojë zihet nga krahu dhe shoqërohet në dhomën e ekzekutimit.
Mutreb: Ju lutem uluni! Duhet të të çojmë në Riad. Ka një urdhër nga Interpoli. Interpoli ka kërkuar që ju të riktheheni. Jemi këtu që të të marrim.
Khashoggi: Nuk ka padi kundër meje. E fejuara ime po më pret jashtë.
Mutreb: Keni celularë me vete?
Khashoggi: Kam dy.
Mutreb: Çfarë marke?
Khashoggi: iPhone.
Në dhjetë minutat e fundit të jetës biseda që përcillet është kjo:
Mutreb: Lini një mesazh për djalin tuaj.
Khashoggi: Çfarë duhet t’i them djalit tim?
Mutreb: Do të shkruani një mesazh, ta përsëris: na e tregoni neve.
Khashoggi: Çfarë duhet t’i them? “Shihemi së shpejti”?
Një anëtar i skuadrës: Qepe!
Mutreb: Shkruani diçka të tipit, “Jam në Stamboll, mos u bëj merak nëse nuk më kap dot”.
Khashoggi: Nuk duhet të them rrëmbyer.
Një anëtar i skuadrës: Hiqe xhaketën!
Khashoggi: Si mundet të ndodhë një gjë e tillë në një konsullatë? Nuk kam për të shkruar asgjë.
Një prej anëtarëve të skuadrës: Qepe!
Khashoggi: Nuk kam për të shkruar gjë.
Mutreb: Shkruajeni z. Jamal. Nxitoni. Na ndihmoni që t’ju ndihmojmë, sepse në fund ne do të të çojmë në Arabinë Saudite dhe nëse nuk na ndihmoni dini se çfarë do të ndodhë.
Khashoggi: këtu ka një peshqir. Do më drogoni?
Al-Tubaigy: Do të vëmë në gjumë.
Pasi drgohet Khashoggi dëgjohet të thotë: “Mos ma mbyllni gojën. Kam azëm. Mos e bëni, do më mbysni”.
Financuar Nga Bashkimi Europian
