Të veshur bukur, të veshur keq, parakalime, çmime dhe emocione. Grammy i ka te gjitha dhe nëpërmjet fjalës përçon tek miliona shikues të këtij eventi të madh muzikor motivim dhe inkurajim për t`ja dalë mbanë. Njësoj si gjithë artistët që triumfuan mbrëmë.
Shumë media kanë përzgjedhur 5 fjalimet më të mira të edicionit të 61-të të çmimeve Grammy ku ndër to është dhe fjalimi i Dua Lipës pasi mori çmimin si artistja e re më e mirë.
Cardi B
Cardi B është bërë e para artiste solo femër që ka fituar në këtë kategori dhe ju afrua skenës për të marrë çmimin shumë e emocionuar. Dhe gjithë fjalët që mund të thoshte në fillim ishin: “Babe, nuk mund të marr frymë.” Sytë e saj iu mbushën me lot dhe me shaka tha se për të përballuar emocionet i duhet të fillonte duhanin. Dhe pastaj vazhdoi:
“Unë dua të falënderoj vajzën time, nuk e them këtë vetëm sepse është bija ime. Kur kam kuptuar që jam shtatzënë, ende nuk e kisha përfunduar albumin, kisha dhe tre këngë për ta përmbyllur. Por duhej ta bëja atë album dhe kemi xhiruar këto video gjatë asaj kohe që isha shtatzënë dhe ishin net shumë të gjata.”
Drake
Reperi Drake fitoi çmimin si kënga më e mirë rep dhe ai nuk ishte i kënaqur për të përshëndetur akademinë. Vitin e kaluar, Drake refuooi të merrte pjesë në ceremoninë e çmimeve Grammy duke vënë në dyshim kuptimin e “Grammy” për kulturën e hip-hop, pasi fitoi dy trofe në vitin 2016. Këtë vit, ai vuri në dyshim vlefshmërinë e Grammy:
“Ky është një sport i bazuar në opinion. Ky është një biznes ku nganjëherë, është një grup njerëzish që nuk mund të kuptojnë se çfarë një fëmijë me racë të përzier nga Kanadaja do të thotë, ose një vajzë spanjolle nga New York, apo një vëlla nga Huston.”
Pasi Travis Scott bërtiti nga audienca, ai vazhdoi:
“Çështja është se ju keni fituar tashmë , nëse keni njerëz që këndojnë këngët tuaja fjalë për fjalë, nëse jeni një hero i vendlindjes tuaj, nëse ka njerëz që kanë punë të rregullt, të cilët po dalin nga shiu dhe dëbora, duke shpenzuar paratë e fituara me vështirësi, për të blerë bileta që të vinë në shfaqjet tuaja- nuk keni nevojë që të jeni këtu në këtë skenë. Ju premtoj që keni fituar tashmë”.
Me këtë fjalim, Drake dëshironte të tregonte se nëse keni këto lloj fansash jeni i fituar pa qenë nevoja për të marrë një çmim Grammy.
Para se të mund të ofronte ndonjë kritikë më ekzistenciale për vlefshmërinë e Grammy, mikrofoni i tij duket se u fik nga qendra kontrolluese dhe gjithashtu edhe nga transmetimi live i CBS-së.
Lady Gaga
Pasi kënga “Shallow” ishte e para që fitoi çmimin në hapje të ceremonisë, si bashkëpunimi më i mirë pop, Lady Gaga dha një fjalim emocionues por duke filluar me një përshëndetje për Bradley Cooper:
“Do doja të ishte Bradley këtu me mua tani. Ai është në “BAFTA”. E di që do doje të ishe këtu Bradley. E dashuroj të këndoj këtë këngë me ty.”
Më pas vazhdoi duke dhënë një mesazh të fuqishëm për problemet mendore dhe duke i kërkuar një nder kolegëve të saj:
“Jam shumë krenare të jem pjesë e një filmi që trajton çështjet e shëndetit mendor. Shumë artistëve i është dashur të përballen me këtë problem. Dhe ne duhet të kemi kujdes me njëri-tjetrin. Pra, nëse shihni dikë që është i lënduar, mos u largoni. Edhe nëse jeni duke lënduar, edhe pse mund të jetë e vështirë, përpiquni të gjeni atë zgjuarsinë brenda vetes për t`u zhytur thellë dhe thuajini dikujt dhe merrini ato mbrapsht në kokën tuaj.”
Dua Lipa
Dua Lipa mori dy çmim të rëndësishme, një si artistja e re më e mirë dhe një tjetër si kënga më e mirë “dance”. Në fjalimin kur u ngrit në skenë për të marrë çmimin, Dua Lipa pasi falënderoi bashkëpunëtorët dhe familjen tha:
“Për të gjithë ata që nuk kanë arritur ende ta kuptojnë se sa të veçantë janë duke pasur një histori ndryshe: Vetëm ta dini se nuk ka rëndësi nga ku jeni, kurrë mos e lini këtë të futet në rrugën e ëndrrave tuaja sepse e meritoni.”
Michelle Obama
Michelle Obama i surprizoi të gjithë kur u shfaq me vajzat e tjera në hapje të ceremonisë. Ajo mbajti një fjalim brilant duke thënë:
“Muzika gjithmonë më ka ndihmuar të tregoj historinë time. Dhe e di që kjo është e vërtetë për të gjithë këtu. Nuk ka rëndësi nëse pëlqejmë muzikën “country” rap ose rock, muzika na ndihmon të shprehim veten tonë, dinjitetin dhe dhimbjet, shpresat dhe gëzimet tona. Muzika na tregon se gjithçka ka rëndësi, çdo histori brenda çdo zëri, çdo shënim brenda çdo kënge.”
Financuar Nga Bashkimi Europian
