“Forca e Ligjit” është pagëzuar aksioni për të cilin ministri i Brendshëm Fatmir Xhafaj tha se do të godiste grupet kriminale më të rrezikshme që veprojnë në Shqipëri. Ky aksion nuk do të mjaftonte vetëm arrestimin e personave por edhe hetimin pasuror të tyre.
15 nëntor “Forca e Ligjit” dha goditjen e parë. Tre persona u arrestuan në Fier dhe sipas policisë dyshohet se të tre ishin anëtar të grupit të strukturuar kriminal, dhe që kanë trafikuar lëndë narkotike të llojit Kokainë, Heroinë dhe Cannabis Sativa, brenda dhe jashtë Shqipërisë. Po kështu policia tha se “ky grup kriminal që operonte kryesisht në zonën e Fierit, dyshohet se ka qenë i përfshirë në disa ngjarje të rënda si vrasje, rrëmbim personi, për të cilat po vijojnë hetimet intensivisht”.
Për këtë ngjarje reagoi në Twitter edhe vetë Xhafaj duke paralajmëruar se aksioni tashmë ka nisur dhe se goditja e parë u dha.
Por pa kaluar edhe 10 ditë, aksioni në fjalë që u trumbetua me të madhe rezultoi një aksion i rëndomtë policie.
Një prej personave të ndaluar u lirua nga gjykata ndërsa dy persoant e tjerë vijojë të jenë në burg por akuzohen vetëm për prodhim dhe mbajtje të lëndëve narkotike dhe janë lënë në burg nga gjykata deri në përfundim të hetimeve.
Ndryshe nga ajo që deklaroi policia ditën e arrestimit të tyre ndaj këtyre personave nuk ka asnjë referim në Prokurori për grup kriminal, apo për vrasje e rrëmbime. Po kështu, zero referime edhe për hetimin pasuror ndaj tyre.
Financuar Nga Bashkimi Europian
