Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

KRYESORE

Grabitja brenda komisariatit të Durrësit, reagon drejtoria e policisë: Njoftimin e publikuam, s’janë vjedhur 2 milionë lekë

Politiko 4 Dhjetor 2018, 11:35
Grabitja brenda komisariatit të Durrësit, reagon drejtoria e

Ditën e djeshme, qarkulluan informacione se zyra e  qarkullimit rrugor në Drejtorinë e Policisë së Durrësit, ku paguhen gjobat e qytetarëve ka rënë pre e grabitjes dhe se policia nuk ka bërë publike ngjarjen.

Sot, drejtoria vendore e policisë së Durrësit ka reaguar mbi ngjarjen dhe thekson se lajmi është bërë publik ditën kur ndodhi , më 1 dhjetor dhe sqaron se nuk bëhet fjalë për vjedhjen e 2 milionë lekëve të vjetra, siç është raportuar deri tani në media, por për 20 mijë lekë të reja.

Sqarim për mediat nga Policia e Durrësit:

Në lidhje me një lajm të publikuar në disa portale mbi vjedhjen e zyrës ku paguhen gjobat, ju sqarojmë se:

Drejtoria Vendore e Policisë Durrës ka dhënë njoftim gazetarëve të Qarkut Durrës e shoqëruar me video, (ditën që ka ndodhur ngjarja, datë 01.12.2018 ) publikuar edhe në ËEB të Policisë së Shtetit.

Pak orë pas ngjarjes, nga ana e Forcave të Policisë është bërë e mundur kapja dhe arrestimi i autorëve të dyshuar.

Sqarojmë që nuk janë vjedhur 2 000 000 lekë , por 20 000 lekë.

Më poshtë, ju ridërgojmë njoftimin për shtyp të dhënë më datë 01.12.2018:

Durrës

Goditet një tjetër grup që kryenin vjedhje në Qarkun e Durrësit.

Arrestohen në flagrancë dy shtetas.

Dokumentohen me prova shkencore 3 vjedhje të dyshuara të kryera prej tyre.

Specialistët për Hetimin e Krimeve në Komisariatin e Policisë Durrës më vijim të punës së tyre për zbardhjen dhe dokumentimin e ngjarjeve në fushën e veprave penale kundër pasurisë kanë bërë të mundur arrestimin e dy shtetasve, konkretisht:

  • Xh. Y. 30 vjeç, banues në Durrës, i dënuar më parë për veprën penale" Vjedhja";

    •E.B. 27 vjeç, banues në Durrës.

Shtetasit e mësipërm ditën e sotme , në lagjen Nr.8 dyshohet se kanë vjedhur zyrën ku paguhen gjobat ku kanë marrë 200 000 lekë (të vjetra).

Gjithashtu, nga veprimet hetimore të kryera është dokumentuar me prova shkencore se shtetasit e mësipërm në bashkëpunim me njëri - tjetrin janë autorë edhe të ngjarjeve si më poshtë vijojnë:

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale "Vjedhja në bashkëpunim " parashikuar në nenin 134/2 të Kodit Penal.

Të fundit