Gratë në Zvicër protestuan sepse janë të pakënaqura me faktin se ka ende pabarazi midis gjinive. Ato dolën në rrugë për më shumë para, kohë dhe respekt. Protesta u zhvillua pasi një veprim i ngjashëm, më 1991, mblodhi gjysmë milioni gra në rrugë.
Gratë zvicerane kanë bërë për një kohë të gjatë fushatë për të përshpejtuar ritmin e barazisë gjinore. Ata u janë bashkuar miliona grave të tjera në Evropë pas përfundimit të Luftës së Parë Botërore më 1918, duke kërkuar të drejtën për të votuar, por atë e kanë fituar në vitin 1971.
Në kohën e protestës së vitit 1991 nuk ka pasur asnjë grua në qeverinë zvicerane dhe pushimi i lindjes nuk është paraparë me ligj. Por, prej asaj kohe, disa gjëra kanë ndryshuar: tetë gra kanë pasur poste ministrore dhe pushimi i lindjes është përfshirë në ligj.
Megjithatë, gratë në Zvicër ende fitojnë mesatarisht 20% më pak se burrat dhe numri i tyre në pozicione drejtuese është më i ulët.
Discussion about this post