Juventus zgjedh trajnerin e ri

Disa orë pas vendimit për të shkarkuar trajnerin Maurizion Sarri, Juventusi ka gjetur dhe zëvendësuesin e tij në stol.

Andrea Pirlo pritet të marrë drejtimin e klubit më të madh italian, i cili prej 9 vitesh e ka “pushtuar” Serie A, por nuk ka mundur të fitojë asgjë në Europë.

Nëse kjo lëvizje realizohet Pirlo do të jetë trajneri me ngritjen më të shpejtë në detyrë. Pa qenë asnjë ndeshje në stolin e pranverave të Juventus, ai do të marrë drejtimin e ekipit të parë.