Koronavirusi në Itali, shkon në 17 numri i viktimave. 650 të infektuar

Italia prej disa ditësh është prekur nga Koronavirusi dhe i gjithë vend është në alarm.

Numri i viktimave ka shkuar në 17, ku 5 janë shënuar vetëm gjatë ditës së sotme.

Ndërsa rritje të madhe ka pasur edhe numri i të prekurve, ku ka shkuar në 650.

Shumë shtete të Europës kanë konfirmuar rastet e para, ndërsa deri më tani në Shqipëri nuk ka asnjë rast.

Në nivel global, më shumë se 80,000 njerëz në rreth 40 vende janë infektuar me koronavirusin e ri, i cili u shfaq në dhjetor. Pjesa më e madhe e të prekurve mbetet në Kinë.