Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nga letrat te thirrjet për Gjykatën Kushtetuese, përplasja e Metës me KED dhe Kuvendin për kandidatët
Prej ditësh, Gjykata Kushtetuese dhe zgjedhja e anëtarëve të rinj është kthyer në një ‘mollë sherri’ mes presidentit Ilir Meta dhe Këshillit të Emërimeve në Drejtësi, përfshirë edhe votimet e tyre nga Kuvendi.
Pasi dekretoi emërimin e Besnik Muçit si plotësim i vakancës së parë (veç Vitore Tushës, e vetmja që kaloi vettingun), kreu i shtetit pezulloi të paktën përkohësisht procesin.
Këtë vendim, Meta ia përcolli edhe KED, ku me anë të një letre i kërkonte që të respektohet radha kronologjike e përcaktuar në Kushtetutë për 9 anëtarët e Gjykatës Kushtetuese.
Pra, Meta thekson se sipas nenit 179, pika 2 dhe 12 të Kushtetutës dhe nenin 86 pika 4/a/c të ligjit për Gjykatën Kushtetuese vakanca e parë plotësohet nga Presidenti, e dyta nga Kuvendi dhe më nga Gjykata e Lartë. Për këtë, kreu i shtetit ka shprehur dhe vullnetin se nuk kryen asnjë lëvizje, pa vendosur më parë Kuvendi për një anëtar.
Më 14 tetor 2019, Këshilli i Emërimeve në Drejtësi i dërgoi Kuvendit dy listat e renditjes së kandidatëve për dy vendet vakante,.
Dje (e diel), Meta i nisi një letër kreut të Kuvendit, Gramoz Ruçi, avokates së popullit Erinda Ballanca dhe Ardian Dvoranit, drejtuesit të Këshillit të Emërimeve në Drejtësi, ku i drejton gishtin KED për ngërçin e krijuar lidhur me anëtarin e dytë të Gjykatës Kushtetuese, pasi të premten, në datë 8 nëntor, afati për të zgjedhur anëtarin e dytë të Gjykatës Kushtetuese nga ana e presidentit skadoi.
Në letër, Meta shkruan se KED ka shkelur praktikat ligjore, duke ritheksuar se brenda aftit 30-ditor plotësimi i dy vendeve vakante nuk është i mundur, pasi vë institucionin që ai drejton në vështirësi ligjore. Madje, ai e ka cilësuar edhe si tentativë të qëllimshme të KED për të cënuar presidentin.
Po ashtu, sipas Metës të njëjtët kandidatë të dërguar nga KED për presidentin, janë dërguar edhe për Kuvendin.
“Fakti që të njëjtët aplikantë gjenden edhe në listën e Kuvendit, komplikon kompetencën kushtetuese të zgjedhjes së anëtarëve të Gjykatës Kushtetuese. Kështu, një përzgjedhje e mundshme e Presidentit, pa ruajtur radhën kronologjike që Kushtetuta përcakton, mund të sillte/sjellë teorikisht, deri edhe në vendosjen e Kuvendit në kushtet e pamundësisë praktike për të pasur numrin e nevojshëm të kandidatëve për zgjedhur anëtarët që i takojnë", thuhet në letrën e Metës, i cili shton se për këtë nuk është në kompetencë që të emërojë anëtarin e dytë të Kushtetueses, por sipas Kushtetutës zgjidhet në Kuvend.
Mirëpo, në kushte të tilla, ligji quan të zgjedhur kandidaten me pikët më të larta sipas renditjes së KED-së, Arta Vorpsi.
Lista e KED
Zëvendësimi i Vladimir Kristos, vakancë e shpallur nga Kuvendi
Arta Vorpsi 89.642 pikë
Elsa Toska 85.428 pikë
Besnik Muçi 81 928 pikë
Zëvendësimi i Bashkim Dedja, vakancë e shpallur nga Kuvendi
Arta Vorpsi 89 42.2 pikë
Fiona Papajorgji 88.785 pikë
Elsa Toska 85. 428 pikë
Zëvendësimi i Sokol Berberi, vakancë e shpallur nga Kuvendi
Arta Vorpsi 89 42.2 pikë
Elsa Toska 85. 428 pikë
Besnik Muçi 81 928 pikë
Rigleta Panajoti 80. 285
Zëvendësimi i Altina Xhoxhaj, vakancë e shpallur nga Kuvendi
Arta Vorpsi 89 42.2 pikë
Fiona Papajorgji 88.785 pikë
Elsa Toska 85. 428 pikë
Marsida Xhaferllari 82.000