“Nuk mund të shash bashkëshortin tim”, Ajola Xoxa në mbrojtje të Veliajt

Ajola Xoxa është një ndër figurat më të pëlqyera sa i takon stilit dhe bukurisë së thjeshtë e natyrale që ka. Gjithashtu, Ajola ka ndjekës të veçantë në profilin e saj të Instagramit edhe për shkak të “syrit” kritik që ka në postimet e saj që shpesh herë janë artistike.

E tërhequr nga komentet dhe “skandalet” Ajola nuk është shumë e ërfshirë në lajmet rozë, përveçse kur shoqëron bashkëshortin e saj, kreun e bashkisë së Tiranës, Erion Veliajn.

Mirëpo kësaj radhe ka vendosur të reagojë pas komentit të një prej ndjekësve të saj.

Në foton që ajo ka dalë me Veliajn në “Pallatin e Brigadave” si duket ka marrë një koment negativ nga një ndjekës që Ajola më pas e ka fshirë.

Ndjekësi i ka komentuar sërish duke e pyetur pse i fshin komentet negative dhe Ajola i është kthyer:

“Sepse nuk mund të shash bashkëshortin tim në faqen time”.

Shumë prej ndjekësve e kanë pëlqyer komentin e Ajolës duke i dhënë kështu të drejtë për atë që ka thënë ajo.