“O je, o nuk je shtatzënë, nuk mund të jesh pak me barrë”, deputeti demokrat për heqjen e imunitetit të Tahirit

Deputeti i Partisë Demokratike, Ervin Salianji, ka folur në studion e “360 gradë” në Ora News në lidhje me arrestimin e ish-ministrit të Brendshëm Saimir Tahiri.

Salianji deklaroi se kjo qeveri është me dy standarde, ku në njërën anë qytetarët futen në burg për 20 mijë lekë të vjetra, ndërsa në anën tjetër Tahiri mbrohet nga imuniteti, të cilin qeveria pretendon se nuk e ka.

“Tregon dy standarde të drejtësisë. Edhe për 20 mijë lekë të vjetra kanë vrarë veten në burg. Sa herë ka ardhur një kërkesë, Parlamenti ka vendosur heqjen e imunitetit. Nuk ka imunitet. O je shtatzënë o nuk je, nuk mund të jesh pak me barrë. Saimir Tahiri sot është me imunitet, nuk mund të arrestohet”, është shprehur ai.

Ndër të tjera Salianji foli dhe për çështjen e rrugës Tiranë-Elbasan, duke deklaruar se hetimet duhet të përfshijnë dhe Edi Ramën. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm