Flash News

Ceno Klosi me mbi 800 vota të vjedhura, Balluku gjen si arsye lodhjen e numëruesve

"Fast & Furious" në ish-Bllok, policia ndjek një Audi Q8, përplasen 4 makina

Makina përplas dy turistë me motoçikletë në Fushë Arrëz, humb jetën njëri prej tyre

Aksident i rëndë në Thumanë, një i vdekur, 3 të plagosur

Gjykata e Durrësit pezullon nga detyra drejtorin e Arsimit Parauniversitar

OP-ED

Për tradhtinë kërkohet talent dhe karaker

Politiko 23 Nëntor 2020, 10:04
Për tradhtinë kërkohet talent dhe karaker

Alfred Lela

 

Zhozef Fushe është simboli i oportunizmit politik. Ai shërbeu në çdo qeveri franceze, nga viti 1792 deri më 1815, duke punuar me me tre regjime të ndryshme politike: Direktoratin, Konsullatin dhe Perandorin.

Edhe Shqipëria ka oportunistët e saj. Tradhtia nuk kërkon talent, por karakter. Këtu, te karakteri, janë përqendruar goditjet e gjithë atyre që janë marrë më largimin nga PD drejt qeverisë Rama të një zv/ministri të sapoemëruar. Ndoshta ikja e tij do të kishte qenë më pak e targetuar nëse nga kampi blu, që prej 2017, nuk do të kishte vijuar një hemorragji hakmarrëse. Aktualisht, katër parti të reja kryesohen nga njerëz që vijnë nga qendra ose rrethinat e së djathtës.

Rama ka zgjedhur t’i sistemojë disa prej të ikurve si antarë bordesh, zv/ministra, ambasadorë, krerë organizatash rajonale, kryetarë partish të reja, etj. Sigurisht, ai nuk është i pari që e funksionalizon tradhtinë për qëllime politike. Të kujtojmë zgjedhjen President  të Topit me votat e njerëzve të Nanos, apo mbajtjen në këmbë të qeverisë Berisha me miell hua nga e majta.

Ajo që mund të thuhet për oportunistët, pragmatistët apo ‘tradhtarët’, është se pranvera e kalimit nga një kamp në tjetrin zgjat shumë pak. Çka pason është një dimër i gjatë ku ata ndihen të braktisur. Diku në një tokë të harruar, përgjithmonë bij të një njerku.

Nuk është fati që i braktis, por fabula. Ata nuk kanë më një narrativë personale që vlen për të tjerët. Shihni për shembull një ish-ministër, socialist i orëve të para, ardhur nga Partia e Punës, që u bë deputet i PD për një mandat. I mbetur në no man’s land, në tokën e askujt, njerëz të tillë kuptojnë, shumë vonë ndoshta, se mënyra më e mirë për ta rishpikur veten është të mos i ishin futur fare rishpikjes.

Hiq rastin kur kanë talentin e Zhozef Fushesë. Por, burra të tillë janë gjë e rrallë. Njerëzit do të vazhdojnë me të vetën: duke dashur tradhtinë, por urryer tradhtarin.  

*Editoriali i emisionit PolitikOn në RTV Ora, e enjte, 19 nëntor 2020.

Të fundit