Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

OP-ED

Sali Berisha në rolin e Kryeministrit

Politiko 21 Nëntor 2022, 17:17
Sali Berisha në rolin e Kryeministrit

Politiko.al

Për Sali Berishën ka qenë një ditë e gjatë sot. Siç, pak a shumë, kanë qenë të tilla të gjitha ditët, që prej shtatorit të vitit të shkuar, kur paraqiti në jetën politike të vendit “Foltoren”, që më pas u kthye në “Rithemelim” të Partisë Demokatike dhe, aktualisht në drejtim intensiv të saj përmes zgjedhjeve të pjesshme më 6 mars,  primaresh të brendshme- që kulmojnë me 4 dhjetor- dy protesta të suksesshme me kryeministrit të Shqipërisë.

Paraditen e së hënës, përmes një moti që nuk premtoi për asnjë moment armëpushim, ish-kryeminsitri dhe kryetari i Partisë Demokratike, e shkeli thujase të gjithë territorin e përmbytur të bashkisë Shkodër. Ai u takua me banorët, shtrëngoi duart me të përmbyturit, ngushëlloi të lënduarit dhe bëri një vizitë në familjen e dy viktimave që mori me vete përroi i Bogës.

Më shumë se një itinerar apo inventar takimesh, ajo që u duk, por ndoshta nuk u tha, ishte fakti se Sali Berisha u shfaq sot në Shkodër si kryetar i opozitës, por edhe si kryeministër i Shqipërisë.

Kjo e dyta erdhi edhe si pasojë e atij që shkëlqente me mungesën e tij, kryeministrit Edi Rama. Për cinikët apo kritikët, që thonë se përmbytja ka ndodhur po kaq e zorshme edhe në kohën kur Berisha ishte në krye të qeverisë, mund të thuhet vetëm një fakt. Po, por bashkë me shirat, si atëherë edhe sot, shfaqej i sigurt edhe Sali Berisha. Një herë si kryeministër, e një herë si kryetar opozite.

Kjo vlen shumë në rekordin e një politikani i cili i ndjek fjalët me aksion dhe nuk i lë ato t’i marrë era apo shiu, duke përmbytur me to hapësirën publike, pa ofruar, edhe në qoftë se nuk mundet zgjidhje të paktën solidaritet njerëzor .

Për të tjerë, që e kritikojnë kinse përdorimin politik të situatës nga Berisha duhet kujtur se çfarë pëmbajti retorika e tij sot. Ai u tha shkodranëve se duhej që pushteti, të paktën t’i paralajmëronte se po vinte stuhia, në mënyrë që ata të shpëtonin ç’të mundnin nga orenditë apo bagëtitë. Ai u tha një të vërtetë tjetër, se nuk ishte një ditë shi që e solli përmbytjen, por hapja e digave të dy hidrocentraleve në kaskadën e Drinit.

Edi Rama as u duk në Shkodër për t’i dalë zot vetes me fjalët e veta, dhe as e trajtoi fare temën e përmbytjeve. Krejt në të kundërt, si banor i qiellit, jo i Shqipërisë, ai foli për kate të larta të cilat as i kap shiu. Kryeministri, në një tallje cinike me mijra shqiparë nën ujë, njoftoi se ai kish kapur në rrjetë 15 ndërtime pa leje dhe i kishte konfliskuar.

Sali Berisha, me instinkt apo me vendim, ishte sot në Shkodër ndoshta edhe për të dëshmuar atë që pretendon slogani i forcës që ai përfaqëson: Shqipëria në rrezik. Ti dalim zot!

Të fundit