Pas 28 vitesh karrierë, reperi nderohet me yll në Bulevardin e Famës

Reperi Snoop Dogg ka hyrë në tregun amerikan të muzikës në fillim të viteve 1990 dhe ka një karrierë 28-vjeçare në muzikë.

Pas kaq shumë vitesh ai është nderuar me yll në “Walk of Fame” dhe reperi ka falënderuar veten për këtë arritje.

Të bëhesh me yll në Walk of Fame është nder i madh që një artist mund të marrë dhe nëse dikush e meriton atë, ky është Snoop Doggy Doggy. Unë e përgëzoj”, tha moderatori Jimmy Kimel për Snoop Dogg.

Pasi falënderoi kolegët dhe familjen që e kanë mbështetur për vite me radhë, artisti falënderoi veten.

“Në fund, do të doja të falënderoj vetveten, dua të falënderoj veten për besimin në vetvete dhe sepse kam punuar shumë”, tha reperi.