Pas ditëve me diell, nga dita e nesërme rikthehen uljet e temperaturave

Pas këtyre ditëve me diell, moti do të ketë ndryshime duke nisur që nga dita e nesërme.

Dita e shtune do të nisë e kthjellët në gjithë territorin, por në mesditë pritet shtimi i vranësirave e ndërsa në orët e vona do të shoqërohen me reshje shiu të dobëta përgjatë vijës bregdetare.

Temperaturat do të arrijnë nga -6ºC në zonat malore deri në 5ºC në ato bregdetare gjatë mëngjesit, ndërsa në mesditë nga 5ºC në zonat malore deri dhe 15ºC në ato bregdetare.